| e-texts navigator |
| Wylie |
155a1 ལག་སེམས་ཀྱི་རིག་པ་སྟེ།། རིག་པས་སེམས་ཉིད་མཚོན་པ་བརྡ་ཡིན་ཏེ།། མཚོན་པ་བརྡ་ཡི་དབང་བསྐུར་བཞི་པའོ།། ཆོས་སྐུ་རང་བྱུང་ཡེ་ཤེས་དབྱེར་མེད་པའི།། ཞལ་བསྟན་དབང་བསྐུར་སངས
155a2 རྒྱས་འབྲས་བུ་ཐོབ།། ཐེག་པ་འོག་མའི་སྒོར་ཞུགས་རྣལ་འབྱོར་ལ།། བག་ཆགས་བརྟས་པའི་བུམ་པའི་དབང་བསྐུར་དང་།། གསང་བའི་དབང་དང་ཤེས་རབ་ཡེ་ཤེས་དབང་།། བག་ཆགས་བརྡ་ཡི་དབང་བསྐུར་བཞི
155a3 པ་ཡིས།། མཐོ་རིས་ཐར་པའི་གོ་འཕང་ཐོབ་པ་ཡིན།། རིན་པོ་ཆེ་རྒྱས་པ་ཆེན་པོའི་མདོ་ལས། དབང་བསྐུར་གསང་བའི་ལེའུ་སྟེ་སོ་དྲུག་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི
155a4 སྟོན་པ་ཀུན་ཏུ་བཟང་པོ་ལ།། གང་གིས་གང་ལ་དབང་བསྐུར་བྱིན་རླབས་དང་།། ཆོས་སྐུ་རང་བྱུང་ཡེ་ཤེས་དབྱེར་མེད་པའི།། ཞལ་བསྟན་འབྲས་བུ་ངེས་པ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད
155a5 པའི་གསང་བདག་རྡོ་རྗེ་སེམས་དཔའ་ལ།། རང་བཞིན་ལྷུན་གྲུབ་རང་བྱུང་དབྱེར་མེད་པའི།། ཆོས་སྐུ་གསལ་དྲངས་འགག་མེད་སྟོན་པ་དེས།། རང་བྱུང་ཡེ་ཤེས་མ་འགགས་སྟོན་པ་ལ།། རང་བཞིན་ལྷུན་གྲུབ་དབང
155a6 བསྐུར་བྱིན་རླབས་པས།། རང་བྱུང་ཐིག་ལེ་ཆེན་པོར་སངས་རྒྱས་པའོ།། རང་བྱུང་ཡེ་ཤེས་མ་འགགས་སྟོང་པ་དེས།། རང་བྱུང་ཟེར་གྱི་སྟོན་པ་ཀུན་བཟང་ལ།། རང་བཞིན་ལྷུན་གྲུབ་དབང་བསྐུར་བྱིན་རླབས
iiif viewer powered by OpenSeadragon
