| e-texts navigator |
| Wylie |
154a1 དབང་།། གཟུགས་བརྙན་བྱུང་བའི་ཆོས་སྐུར་གསལ་བའོ།། ཡན་ལག་གཉིས་ཕྲད་སྒྲ་འབྱུང་གསང་བའི་དབང་།། ཕྲད་ལས་བྱུང་བའི་ཆོས་རྣམ་གསུང་ཡང་ཡིན།། ཡན་ལག་གསུམ་པ་ཤེས་རབ་ཡེ
154a2 ཤེས་དབང་།། རྣམ་རྟོག་ལས་བྱུང་ཆོས་རྣམས་སེམས་ཡིན་ཏེ།། བཞི་པ་བརྡར་བྱུང་ཆོས་རྣམས་བརྡར་སྣང་བས།། སྣང་བའི་ཆོས་ཉིད་མིང་མེད་འགག་མེད་པའོ།། རིན་པོ་ཆེ་རྒྱས་པ་ཆེན་པོའི་མདོ་ལས། མདོ་བཞི་རྩ
154a3 བའི་ལེའུ་སྟེ་སོ་ལྔ་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། དབང་གི་ངོ་བོ་ཇི་ལྟར་གནས་པ་དང་།། དབང་བསྐུར་བྱུང་བའི་རིམ་པ་ཇི་ལྟ་བུ།། སྟོན་པའི
154a4 སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། ཐོག་མཐའ་མེད་པའི་དང་པོའི་དུས་ཉིད་ན།། ཡོད་མེད་སྟོང་དང་མི་སྟོང་དབྱེར་མེད་པའི།། སངས་རྒྱས་སེམས་ཅན་མེད་པའི་རང
154a5 བཞིན་ཡང་།། རང་རིག་རང་གསལ་ནམ་མཁའ་མིང་མེད་དེ།། གཞི་རྩ་མེད་པ་ཀུན་གཞི་སྙིང་པོའི་དབང་།། དབང་ནི་ཆོས་རྣམས་ཀུན་གྱི་རྩ་བ་སྟེ།། བསྐུར་བས་སྐྱོན་ཡོན་གཉིས་སུ་བྱུང་བས་ན།། དབང་བསྐུར
154a6 ངེས་པས་མིང་གི་འབྲས་བུ་ཐོབ།། ཆོས་སྐུ་རང་གསལ་ཕྱི་སྟེ་བུམ་ཉིད་སྣོད།། རང་རིག་མི་རྟོག་ནང་སྟེ་བར་ཉིད་བཅུད།། བུམ་པ་ཀུན་གྱི་གཞི་མར་ཡེ་གནས་པས།། དབང་བསྐུར་ཐོག་མཐའ་མེད་པས་དང
iiif viewer powered by OpenSeadragon
