| e-texts navigator |
| Wylie |
153b1 པོ་རང་བཞིན་མེད།། མེད་པ་མ་ཡིན་དོན་རྣམས་སྣང་བའི་ཕྱིར།། རིན་པོ་ཆེ་རྒྱས་པ་ཆེན་པའི་མདོ་ལས། མེ་ལོང་རྣམ་གསུམ་གྱི་ལེའུ་སྟེ་སོ་བཞི་པའོ།། །། སྡུད་པའི་གསང་བདག་རྡོ་རྗེ་སེམས་དཔའ
153b2 ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། སྐུ་གསུང་ཐུགས་དང་དབྱེར་མེད་བཞི་སྣང་བ།། བཞིར་བྱུང་སྣང་བའི་ངེས་དོན་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ
153b3 སེམས་དཔའ་ལ།། ནམ་མཁའ་འགག་མེད་ཀུན་ཁྱབ་མིང་མེད་དེ།། སྐུ་ཡི་སྙིང་པོ་ཡེ་ཤེས་བཞི་འགག་མེད།། སྐུ་ནི་མ་འགགས་གཟུགས་བརྙན་འགག་མེད་འབྱུང་།། སྙིང་པོ་མ་འགགས་གསུང་ནི་འགག་མེད
153b4 འབྱུང་།། ཡེ་ཤེས་མ་འགགས་སེམས་ནི་འགག་མེད་འབྱུང་།། བཞི་མ་མ་འགགས་བརྡ་ནི་འགག་མེད་འབྱུང་།། མིང་མེད་གཅིག་ལ་ངོ་བོ་བཞིར་སྣང་བས།། སངས་རྒྱས་སེམས་ཅན་ཀུན་གྱི་རྩ་བར་གསུངས།། ངོ་བོ
153b5 བཞིར་འབྱེད་དབྱེར་མེད་གཅིག་ལ་དབྱེར།། ཆོས་སྐུ་རིག་སྐུ་འགག་མེད་མ་འགགས་གཉིས།། རིག་མེད་སྙིང་པོ་རིག་པའི་སྙིང་པོ་གཉིས།། རིག་མ་སྐྱེས་དང་རིག་སྐྱེས་ཡེ་ཤེས་གཉིས།། ཆོས་སྐུ་འགག་མེད་ཡེ་ཤེས
153b6 མ་འགགས་གཉིས།། དབྱེར་མེད་གཅིག་སྟེ་ངོ་བོ་བཞི་རུ་གནས།། འགག་མེད་མ་འགགས་གནས་པས་བཞིར་སྣང་སྟེ།། སྐུ་གསུང་ཐུགས་དང་བརྡ་སྟེ་བཞིར་འབྱུང་བའོ།། ཡན་ལག་དང་པོ་གཟུགས་བརྙན་བུམ་པའི
iiif viewer powered by OpenSeadragon
