| e-texts navigator |
| Wylie |
152b1 པའི་བསྟན་པ་འཆར་བའི་འཕེལ་འགྲིབ་དང་།། སྟོན་པ་མེད་པའི་མུན་པའི་འཕེལ་འགྲིབ་དང་།། ཕྱི་ནང་སྣོད་བཅུད་སེམས་ཀྱི་འཕེལ་འགྲིབ་ཀུན།། རང་བྱུང་རྩལ་གྱི་ཡན་ལག་གཡོས་པ་སྟེ།། ཐམས་ཅད་ང་ལས་བྱུང
152b2 ཞིང་ང་ཡི་རྩལ།། ང་ལས་མ་བྱུང་གང་ཡང་མེད་པའོ།། རིན་པོ་ཆེ་རྒྱས་པ་ཆེན་པོའི་མདོ་ལས། འཇིག་ཆགས་འཕེལ་འགྲིབ་ཀྱི་ལེའུ་སྟེ་སོ་གཉིས་པའོ།། །། སྡུད་པའི་གསང་བདག་རྡོ་རྗེ་སེམས་དཔའ
152b3 ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཆོས་ཉིད་དབྱིངས་སུ་གཉིས་མེད་གཅིག་པ་ལ།། ཐེག་པའི་ཁྱད་པར་སོ་སོ་བྱུང་བ་དང་།། སོ་སོར་མིང་འཁྲུལ་རང་རང་རྒྱུད་སྣང་བ།། འདི་ཡི་ངེས་དོན་སྣང་བ་ཇི་ལྟ
152b4 བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། རང་བཞིན་ལྷུན་གྲུབ་ཆོས་སྐུ་ཆེན་པོ་དང་།། རང་བྱུང་ཡེ་ཤེས་ཆེན་པོའི་གནས་ལུགས་འདི།། ཐེག་དམན་གཞན་གྱིས
152b5 མ་མཐོང་ཡན་ལག་གི། བྱུང་བའི་རང་བྱུང་ཡེ་ཤེས་རྩལ་སྣང་ལ།། བྱུང་བའི་ཤེས་པས་སོ་སོར་མཐོང་བ་ནི།། མུ་སྟེགས་ལ་སོགས་ཤེས་པ་སོ་སོ་ཡི།། དང་པོ་རང་རང་སྒོར་འབྱུང་སྒོར་བྱུང་བས།། བར་དུ་རང་རང་སྒོ
152b6 སྒོར་སོ་སོར་གནས།། སོ་སོར་གནས་པའི་དབང་གིས་སོ་སོར་བལྟས།། བལྟས་པའི་མཐོང་ལུགས་རང་རང་སོ་སོར་འདོད།། འདོད་པའི་དབང་གིས་སོ་སོར་མིང་འཁྲུལ་པའོ།། མིང་འཁྲུལ་དབང་གི་ཐ་མ་རང་རང
iiif viewer powered by OpenSeadragon
