| e-texts navigator |
| Wylie |
152a1 སོ་སོར་མ་འཁྲུལ་བར།། རང་རང་དབྱིབས་སུ་སོ་སོར་སྣང་བའོ།། རིན་པོ་ཆེ་རྒྱས་པ་ཆེན་པོའི་མདོ་ལས། རྩི་ཤིང་ནགས་ཚལ་རང་རང་རྒྱུད་དུ་བྱུང་བའི་ལེའུ་སྟེ་སོ་གཅིག་པའོ།། །། སྡུད་པའི
152a2 གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། སྟོང་གསུམ་སྟོང་གི་འཇིག་རྟེན་ཁམས་འདི་ན།། འཇིག་ཆགས་གནས་སྟོངས་བསྐལ་པ་བྱུང་བ་དང་།། འཕེལ་དང་འགྲིབ་པ་སྣ་ཚོགས
152a3 འཆར་བ་ཀུན།། འདི་ཡི་ངེས་དོན་སྣང་བ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། རང་བཞིན་ལྷུན་གྲུབ་བདག་ཉིད་ཆེན་པོ་ལ།། འཇིག་ཆགས་གནས་པ
152a4 སྟོངས་པ་མེད་པ་དང་།། དངོས་པོ་མཚན་མའི་འཕེལ་འགྲིབ་མེད་པ་སྟེ།། རང་བྱུང་རྩལ་གྱི་ཡན་ལག་གཡོས་པ་ཡིས།། སྣོད་བཅུད་བརྟས་པའི་དངོས་པོ་མཚན་མ་འདི།། བྱུང་བའི་ནུས་མཐུ་ཟད་ནས་འཇིག་པ
152a5 སྟེ།། རང་བྱུང་རྩལ་གྱི་ཡན་ལག་བྱུང་བ་ཡི།། འདྲ་མཐུན་རིགས་མཐུན་འདྲ་བ་ཆགས་པ་དང་།། ནུས་མཐུ་མ་ཟད་བར་དུ་གནས་པ་དང་།། ནུས་མཐུ་ཟད་ན་འཇིག་རྟེན་སྟོངས་པའོ།། རྩལ་གྱི་ཡན་ལག་བྱུང་བའི་ནུས
152a6 མཐུ་ལས།། འབྱུང་བ་ལྔ་ཡི་འཕེལ་འགྲིབ་བྱུང་བ་དང་།། འགྲོ་དྲུག་སེམས་ཅན་རྣམས་ཀྱི་འཕེལ་འགྲིབ་དང་།། ཉིན་མཚན་དུས་ཀྱི་འཕེལ་འགྲིབ་བྱུང་བ་དང་།། བདེ་དང་སྡུག་པའི་འཕེལ་འགྲིབ་བྱུང་བ་དང་།། སྟོན
iiif viewer powered by OpenSeadragon
