| e-texts navigator |
| Wylie |
151b1 པ་གཉིས་སུ་མེད་པ་ལ།། མོ་ཡི་ཐབས་དང་ཤེས་རབ་དབྱེར་མེད་མཐོང་།། མ་ནིང་རིག་སྐྱེས་རིག་པ་ཐབས་སུ་གཟུང་།། མ་ནིང་རིག་མེད་རིག་མ་སྐྱེས་པ་ལ།། མ་ནིང་སྟོང་པ་ཤེས་རབ་མ་རུ་གཟུང་།། རིག་པ་སྟོང་པ
151b2 གཉིས་སུ་མེད་པ་ལ།། མ་ནིང་ཐབས་དང་ཤེས་རབ་དབྱེར་མེད་མཐོང་།། དེ་ལྟར་མཐོང་བའི་བག་ཆགས་ཞེ་ན་བརྟས་པས།། ཕོ་མོ་མ་ནིང་རང་རང་སོ་སོ་ཡི།། དབྱིབས་ཀྱི་བྱེ་བྲག་སོ་སོར་སྣང་བའོ།། རིན་པོ་ཆེ་རྒྱས
151b3 པ་ཆེན་པོའི་མདོ་ལས།། བཅུད་ཀྱི་སེམས་ཅན་ཕོ་མོ་མ་ནིང་དུ་སྣང་བའི་ལེའུ་སྟེ་སུམ་ཅུ་ཟམ་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། འཇིག་རྟེན
151b4 ཁམས་འདི་མཐའ་ཡས་མུ་མེད་ན།། རྩི་ཤིང་ནགས་ཚལ་གྲངས་མེད་བྱུང་བ་ཡི།། རང་རང་རྒྱུད་དུ་སོ་སོར་བྱུང་བ་རྣམས།། འདི་ཡི་ངེས་པའི་དོན་རྣམས་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི
151b5 གསང་བདག་རྡོ་རྗེ་སེམས་དཔའ་ལ།། རང་བྱུང་ཡེ་ཤེས་སྙིང་པོ་མ་འགགས་པས།། ཡན་ལག་ཟེར་གྱི་རྩལ་ཀྱང་མ་འགགགས་ཏེ།། ཟེར་རྩལ་མ་འགགས་དབང་གི་རྩལ་བྱུང་བ།། རིག་མེད་རིག་མ་སྐྱེས་པའི་རྩལ
151b6 སྣང་ལས།། འདྲ་མཐུན་རིགས་མཐུན་འདྲ་བ་འདུས་པ་ཡིས།། རྩི་ཡི་དབྱིབས་ཀྱི་བྱེ་བྲག་སྣ་ཚོགས་དང་།། ཤིང་གི་དབྱིབས་ཀྱི་བྱེ་བྲག་སྣ་ཚོགས་སྐྱེས།། སྐྱེ་བའི་དབང་གིས་སྐྱེ་ཤིང་སོ་སོར་སྐྱེས།། སོ་སོར་སྐྱེས་པས
iiif viewer powered by OpenSeadragon
