| e-texts navigator |
| Wylie |
151a1 དོན་སྣང་བ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། རང་བཞིན་ལྷུན་གྲུབ་ནམ་མཁའི་མཚན་ཉིད་ལ།། ཕོ་མོ་མ་ནིང་དངོས་པོ་མཚན་མེད
151a2 ཀྱང་།། རང་བྱུང་རྩལ་གྱི་ཡན་ལག་གཡོས་པ་ནི།། དངོས་པོ་མཚན་མ་སྣ་ཚོགས་ཀུན་སྣང་སྟེ།། ཕོ་མོའི་དབྱིབས་ཀྱི་རྣམ་པ་སྣང་བ་ནི།། རྩལ་གྱི་ཡན་ལག་རིག་པར་སྐྱེས་པ་དེ།། རིག་པའི་དབང་གིས་བྱ་བྱེད་རིག
151a3 པར་སྐྱེས།། བྱ་བའི་ཕོ་རྩོལ་དྲག་པོར་སྐྱེས་པ་ལ།། རིག་སྐྱེས་འཁོར་ལོ་གསུམ་གྱིས་ཕོར་བཟུང་བས།། གཟུང་བའི་བག་ཆགས་ཕོ་ཡི་རྣམ་པར་སྣང་།། སྣང་བས་རང་ཡང་ཕོ་ཡི་རྣམ་པར་སྣང་།། བྱེད་པའི་རིག་པ
151a4 རྩོལ་བཞན་སྐྱེས་ལ།། འཁོར་ལོ་གསུམ་གྱི་བག་ཆགས་མོར་བཟུང་བས།། གཟུང་བའི་བག་ཆགས་མོ་ཡི་རྣམ་པར་སྣང་།། སྣང་བས་རང་ཡང་མོ་ཡི་རྣམ་པར་སྣང་།། བྱ་བྱེད་པར་གྱི་བཏང་སྙོམས་རིག་སྐྱེས་ལ།། རྟོག
151a5 སྐྱེས་འཁོར་ལོ་གསུམ་གྱིས་མ་ནིང་བཟུང་།། གཟུང་བའི་བག་ཆགས་མ་ནིང་སྣང་བའོ།། ཕོ་ཡི་རིག་སྐྱེས་རིག་པ་ཐབས་སུ་མཐོང་།། ཕོ་ཡི་རིག་མེད་རིག་མ་སྐྱེས་པ་ལ།། ཕོ་ཡི་སྟོང་པ་ཤེས་རབ་མོ་རུ་མཐོང་།། རིག
151a6 པ་སྟོང་པ་གཉིས་སུ་མེད་པ་ལ།། ཕོ་ཡི་ཐབས་དང་ཤེས་རབ་དབྱེར་མེད་མཐོང་།། ཕོ་ཡི་རིག་སྐྱེས་རིག་པ་ཐབས་སུ་གཟུང་།། མོ་ཡི་རིག་མེད་རིག་མ་སྐྱེས་པ་ལ།། མོ་ཡི་སྟོང་པ་ཤེས་རབ་མོ་རུ་གཟུང་།། རིག་པ་སྟོང
iiif viewer powered by OpenSeadragon
