| e-texts navigator |
| Wylie |
149b1 གསུང་།། རང་རང་གསུང་ནི་རང་རང་རང་གི་སྒྲ།། རང་རང་སྒྲ་ནི་རང་རང་རང་གི་མིང་།། ཡན་ལག་སོ་སོར་རང་རང་ཕྲད་སྒྲ་དང་།། ཡན་ལག་ཉིད་དང་སྙིང་པོ་ཕྲད་སྒྲའོ།། རིན་པོ་ཆེ་རྒྱས་པ་ཆེན་པོའི་མདོ་ལས།།
149b2 གསུང་དང་ཡི་གེ་སྒྲ་རྣམ་པ་སྣ་ཚོགས་ཀྱི་བྱེ་བྲག་སོ་སོར་སྣང་བའི་ལེའུ་སྟེ་ཉི་ཤུ་རྩ་བདུན་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཡེ་ཤེས་རང
149b3 བཞིན་རྣམ་རྟོག་མེད་པ་ལ།། སེམས་ཀྱི་རྣམ་རྟོག་གྲངས་མེད་བྱུང་བ་རྣམས།། འདི་ཡི་ངེས་དོན་སྣང་བ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། རང
149b4 བཞིན་ལྷུན་གྲུབ་ངོ་བོ་མིང་མེད་ལ།། རང་བྱུང་རྩལ་གྱི་ཡན་ལག་གཡོས་པ་ཡིས།། ཡེ་ཤེས་མིང་བཏགས་ལ་ནི་རྣམ་གཉིས་ཏེ།། རང་འབྱུང་ཡེ་ཤེས་ཆེན་པོའི་མིང་བཏགས་དང་།། བྱུང་དང་བྱུང་ནས་གནས་པའི་མིང
149b5 བཏགས་པའོ།། རང་འབྱུང་ཡེ་ཤེས་ཆེན་པོའི་མིང་བཏགས་ནི།། རང་བཞིན་ལྷུན་གྱི་གྲུབ་པའི་སྙིང་པོ་དང་།། མ་བཙལ་བ་ཡི་ངོ་བོར་ངང་གིས་བྱུང་།། མ་བཅོས་སྙིང་པོ་མི་འགྱུར་རང་བཞིན་ཡེ།། རང་རིག་རང
149b6 གསལ་མི་རྟོག་ངོ་བོ་ཤེས།། རང་འབྱུང་ཡེ་ཤེས་ཆེན་པོའི་མིང་བཏགས་པའོ།། བྱུང་དང་བྱུང་གནས་ཡེ་ཤེས་མིང་བཏགས་ནི།། ཐེག་པ་རྣམས་ཀྱི་ཡེ་ཤེས་སོ་སོའི་མིང་།། སྒོ་སྒོར་རང་རང་སོ་སོར་མིང་བཏགས
iiif viewer powered by OpenSeadragon
