| e-texts navigator |
| Wylie |
147b1 བཅུད་ཀྱི་མིང་དུ་བཏགས་པ་དང་།། རིག་སྐྱེས་རབ་འབྲིང་ཐ་མའི་ཁྱད་པར་གྱི།། མྱ་ངན་འདས་པའི་ཆོས་ཀྱི་མིང་བཏགས་པའོ།། རིན་པོ་ཆེ་རྒྱས་པ་ཆེན་པོའི་མདོ་ལས། ཕྱི་ནང་སྣོད་བཅུད་འཁོར་བ་མྱ་ངན་འདས
147b2 པའི་མིང་བཏགས་སྣང་བའི་ལེའུ་སྟེ་ཉི་ཤུ་རྩ་ལྔ་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཆོས་སྐུ་རང་བཞིན་སྐྱེ་བ་མེད་པ་ལ།། ལོངས་སྤྱོད་རྫོགས་པའི
147b3 སྐུ་དང་སྤྲུལ་པའི་སྐུ།། ངོ་བོ་ཉིད་དང་བདེ་བ་ཆེན་པོའི་སྒྲ།། སྒྲ་རུ་བྱུང་དང་སྐུ་ཡི་མིང་བཏགས་པ།། སོ་སོའི་མིང་བཏགས་ངེས་དོན་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ
147b4 སེམས་དཔའ་ལ།། སྐྱེ་མེད་མ་སྐྱེས་གཉིས་མེད་ལྷུན་གྲུབ་ལ།། སྐུ་ཡི་མིང་མེད་སྐུ་རུ་བྱུང་མེད་ཀྱང་།། རང་བྱུང་རྩལ་གྱི་ཡན་ལག་བྱུང་བ་ཡིས།། སྐུ་ཡི་མིང་དང་སྐུ་རུ་བྱུང་བའི་སྣང་།། མིང་བཏགས་སྐུར་བྱུང་ལ་ཡང
147b5 རྣམ་གཉིས་ཏེ།། རང་བཞིན་ལྷུན་གྲུབ་ཐིག་ལེ་ཆེན་པོ་ལ།། སྐུ་ཡི་མིང་བཏགས་སྐུ་རུ་སྣང་བ་དང་།། རང་བྱུང་རྩལ་གྱི་ཡན་ལག་གཡོས་པ་ལ།། སྐུ་ཡི་མིང་བཏགས་སྐུ་རུ་སྣང་བའོ།། རང་བཞིན་ལྷུན་གྲུབ་ཐིག་ལེ
147b6 ཆེན་པོ་ནི།། སྐུ་ལྔའི་མིང་བཏགས་སྐུ་ལྔར་སྣང་བ་ཡི།། འགྱུར་མེད་རང་གསལ་རིག་པ་མེད་པ་ལ།། ཆོས་སྐུ་སྐྱེ་བ་མེད་པའི་མིང་དུ་བཏགས།། རང་བྱུང་ཡེ་ཤེས་རང་རིག་རང་གསལ་ལ།། ལོངས་སྤྱོད་རྫོགས་པའི་སྐུ
iiif viewer powered by OpenSeadragon
