| e-texts navigator |
| Wylie |
146b1 བརྡར་སྣང་འཁྲུལ་སྣང་གི་ལེའུ་སྟེ་ཉི་ཤུ་རྩ་གསུམ་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཐོག་མ་མེད་པའི་དང་པོའི་དུས་ཉིད་ན།། སངས་རྒྱས་མིང
146b2 མེད་སེམས་ཅན་མིང་མེད་ལ།། སངས་རྒྱས་མིང་དང་སེམས་ཅན་གཉིས་ཀྱི་མིང་།། འདི་ཡི་མིང་བཏགས་ངེས་པ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ
146b3 ལ།། ཐོག་མ་མེད་པའི་དང་པོའི་དུས་ཙམ་ན།། ཡེ་མེད་སྟོང་པའི་རང་བཞིན་སྟོང་པ་མེད།། སྟོང་དང་མི་སྟོང་སྣང་བའི་མིང་ཡང་མེད།། མིང་ཡང་མེད་པའི་རང་བཞིན་ལྷུན་གྲུབ་པ།། རང་བཞིན་ལྷུན་གྱིས་གྲུབ་པའི
146b4 གནས་ལུགས་ཏེ།། གནས་ལུགས་དེ་ལ་སངས་རྒྱས་སེམས་ཅན་གྱི།། མིང་མེད་སངས་རྒྱས་སེམས་ཅན་མིང་བཏགས་པ།། ཆོས་སྐུའི་རང་བཞིན་འགྱུར་མེད་སངས་རྒྱས་དང་།། རང་བྱུང་ཡེ་ཤེས་རང་རིག་སེམས་ཅན
146b5 གཉིས།། རང་བྱུང་རྩལ་གྱི་ཡན་ལག་ལྷུན་གྲུབ་ལ།། རྩལ་གྱི་རིག་པས་སངས་རྒྱས་མིང་དུ་བཏགས།། རྩལ་གྱི་ཡན་ལག་རྟོག་པར་སྐྱེས་པ་ལ།། རྩལ་གྱི་ཡིད་ཀྱིས་སེམས་ཅན་མིང་དུ་བཏགས།། བག་ཆགས་བརྟས
146b6 པས་སྣང་བར་བྱུང་བའོ།། རིན་པོ་ཆེ་རྒྱས་པ་ཆེན་པོའི་མདོ་ལས། སངས་རྒྱས་སེམས་ཅན་མིང་བཏགས་འཁྲུལ་སྣང་གི་ལེའུ་སྟེ་ཉི་ཤུ་རྩ་བཞི་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི
iiif viewer powered by OpenSeadragon
