| e-texts navigator |
| Wylie |
146a1 པ་ཡི།། སྤྱི་ཡི་རང་བཞིན་རྒྱ་མ་ཆད་པ་ལས།། ཡན་ལག་རང་བཞིན་རྒྱ་ཆད་ལྟར་སྣང་བའོ།། ཆོས་སྐུ་ཡེ་ཤེས་དབྱེར་མེད་མིང་མེད་ལ།། ཆོས་སྐུ་ཡེ་ཤེས་དབྱེར་མེད་མིང་བཏགས་པ།། ཆོས་སྐུའི་རང
146a2 བཞིན་རིག་པ་མེད་པ་དང་།། རང་བྱུང་ཡེ་ཤེས་རང་རིག་གནས་པ་གཉིས།། གཅིག་དང་ཐ་དད་དག་ལས་གྲོལ་བར་གནས།། དེ་ལྟར་མིང་མེད་དོན་ལ་མིང་བཏགས་པ།། མིང་བཏགས་དེ་ལ་དོན་འདོད་འཁྲུལ
146a3 པའོ།། འཁྲུལ་པར་རྟོག་པའི་ཨཱ་ཏི་རྣལ་འབྱོར་དེས།། གཉིས་མེད་མཉམ་པ་ཉིད་ཀྱི་སྒོར་ཞུགས་པས།། ཐམས་ཅད་མཉམ་པ་ཆེན་པོའི་རང་བཞིན་ལ།། བདག་དོན་གཞན་དོན་གཉིས་སུ་མི་འབྱེད་དེ།། ཀུན་ཏུ་མི
146a4 གཏོང་བ་ནི་སྤྱོད་པ་ལ།། དེ་ནས་མི་འདའ་བ་ནི་དམ་ཚིག་ཡིན།། དེ་ལ་བསླད་དུ་མེད་པ་ཡེ་ཤེས་ཡིན།། དེ་ལ་མི་རྟོག་པ་ནི་ལྟ་བའོ།། དེ་ལ་མ་ཡེངས་པ་ནི་སྒོམ་པའོ།། དེ་ལ་བསྟན་དུ་མེད་ན་སྒོམ་ཉམས་ཡིན།། བླང
146a5 དོར་མེད་པར་རྟོགས་ན་རྟོགས་ཚད་ཡིན།། བཙལ་དུ་མེད་པར་བསྒྲུབ་པ་སྒྲུབ་པ་ཡིན།། འཁྲུལ་པ་འཁྲུལ་གཞི་གཉིས་མེད་མཐོང་བ་དེ།། གྲུབ་པའི་དུས་ཏེ་ཆོས་སྐུ་མཐོང་བ་ཡིན།། དེ་ལ་གནས་ཤིང་གཡོ་བ་མི་མངའ
146a6 ལ།། རྫོགས་ཆེན་སངས་རྒྱས་ས་ལ་གནས་པ་ཡིན།། རང་བཞིན་གཉིས་སུ་མེད་པར་ལྷུན་གྲུབ་ན།། འབྲས་བུ་སངས་རྒྱས་ས་ནི་ཐོབ་པའོ།། རིན་པོ་ཆེ་རྒྱས་པ་ཆེན་པོའི་མདོ་ལས། ཨཱ་ཏི་ཡོ་ག་ཆེན་པོ་དོན་མཚན
iiif viewer powered by OpenSeadragon
