| e-texts navigator |
| Wylie |
145b1 རིགས་མཐུན་མིང་བཏགས་སྣང་བ་དང་།། དངོས་པོ་མཚན་མེད་མིང་མེད་རང་སྣང་ལ།། མིང་མེད་མིང་བཏགས་སྣང་བ་འཁྲུལ་པའོ།། མ་འཁྲུལ་སྣང་བའི་དོན་གྱི་གནས་ལུགས་ནི།། ཆོས་སྐུ་རང་བྱུང་ཡེ་ཤེས་དབྱེར
145b2 མེད་དེ།། ཆོས་སྐུ་གནས་པའི་གནས་ལུགས་མིང་མེད་ལ།། ཆོས་སྐུ་མཚོན་པའི་བརྡ་ཡི་མིང་བཏགས་པ།། རང་བཞིན་ལྷུན་གྲུབ་འགྱུར་བ་མེད་པ་ཡི།། གསལ་ལ་དྲངས་པའི་སྙིང་པོ་འགག་མེད་དང་།། དངོས་པོ
145b3 མཚན་མ་མེད་པའི་རང་བཞིན་དེ།། ཁ་དོག་དབྱིབས་དང་བྲལ་བའི་བདག་ཉིད་ཅན།། རྒྱུ་དང་རྐྱེན་གྱིས་བསྐྱེད་མེད་ཕྱོགས་རིས་མེད།། ཚོགས་བརྒྱད་ཡུལ་དུ་གྱུར་མེད་སྐྱེད་མེད་པ།། ཡོད་མེད་སྟོང་དང་མི་སྟོང་རྟག
145b4 ཆད་མེད།། མཐའ་དང་དབུས་མེད་ཚིག་གི་སྒྲ་ལས་འདས།། ཡི་གེས་བརྗོད་དུ་མེད་པའི་ངོ་བོ་དེ།། རང་གསལ་རིག་པ་མེད་དེ་རྒྱ་ཆད་མེད།། རང་བྱུང་ཡེ་ཤེས་གནས་ལུགས་མིང་མེད་ལ།། རང་བྱུང་ཡེ་ཤེས་མཚོན
145b5 པའི་མིང་བཏགས་པ།། རང་བཞིན་ལྷུན་གྲུབ་རང་རིག་རང་གསལ་དེ།། མི་འགྱུར་བ་ཡི་སྙིང་པོ་མ་འགགས་པ།། དངོས་པོ་མཚན་མ་མེད་པའི་རང་བཞིན་དེ།། ཁ་དོག་དབྱིབས་དང་བྲལ་བའི་བདག་ཉིད་ཅན།། རྒྱ
145b6 དང་རྐྱེན་གྱིས་མ་བསྐྱེད་ཕྱོགས་རིས་མེད།། ཚོགས་བརྒྱད་ཡུལ་དུ་མ་གྱུར་མ་སྐྱེས་པ།། ཡོད་མེད་སྟོང་དང་མི་སྟོང་རྟག་ཆད་མེད།། མཐའ་དང་དབུས་མེད་ཚིག་གི་སྒྲ་ལས་འདས།། མིང་དང་ཐ་སྙད་ཀུན་ལས་འདས
iiif viewer powered by OpenSeadragon
