| e-texts navigator |
| Wylie |
145a1 ཀྱི།། ལྷ་ཡི་དཀྱིལ་འཁོར་ཡེ་རྫོགས་ཆེན་པོ་བསྒྲུབ།། ཨ་ནུ་ཡོ་གའི་འབྲས་བུ་ངེས་པར་ནི།། དེ་དག་གོང་ན་གཟུགས་ནི་མེད་པ་སྟེ།། ཡོན་ཏན་འོད་དཔག་མེད་པའི་མཐའ་ཡས་པ།། རབ་ན་རྣམ་པར
145a2 སྣང་མཛད་འོག་མིན་གནས།། བདེ་བར་གཤེགས་པའི་གོ་འཕང་འཐོབ་ཅེས་བྱ།། འབྲིང་ན་བསམ་གཏན་བཞི་པའི་ཐ་མར་སྐྱེ།། དབང་པོ་ཐ་མ་ངན་སོང་གསུམ་འཁྱམ་མོ།། རིན་པོ་ཆེ་རྒྱས་པ་ཆེན་པོའི་མདོ་ལས།།
145a3 ཨ་ནུ་ཡོ་ག་འཁྲུལ་སྣང་གི་ལེའུ་སྟེ་ཉི་ཤུ་རྩ་གཉིས་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཨཱ་ཏི་ཡོ་གའི་ཐེག་པ་ཆེན་པོ་འདི།། འཁྲུལ་སྣང་ལགས
145a4 སམ་མ་འཁྲུལ་སྣང་བ་ལགས།། འཁྲུལ་སྣང་ལགས་ན་ཇི་ལྟར་འཁྲུལ་པ་ལགས།། མ་འཁྲུལ་སྣང་བའི་དོན་དེ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ
145a5 ལ།། རང་བྱུང་ཡེ་ཤེས་ཡན་ལག་རྩལ་གཡོས་པས།། འབྱུང་བ་ལྔ་དང་རྩི་ཤིང་ནགས་ཚལ་དང་།། ཉི་ཟླ་གཟའ་སྐར་འོད་དང་འཇའ་ཚོན་དང་།། གློག་དང་སྤྲིན་དང་ཁུ་རླངས་དུ་བ་དང་།། ཕྱོགས་མཚམས་ཁ་དོག
145a6 དབྱིབས་ཀྱི་རྣམ་པ་དང་།། ཕུང་པོ་ལྔ་དང་ཁམས་དང་སྐྱེ་མཆེད་དང་།། ཉོན་མོངས་ལྔ་དང་འདོད་ཡོན་ལྔ་པོ་དང་།། ཕྱི་ནང་སྣོད་བཅུད་དངོས་པོ་མཚན་མ་ཀུན།། འདྲ་འདུས་རིགས་མཐུན་མིང་མེད་ལ།། འདྲ་འདུས
iiif viewer powered by OpenSeadragon
