| e-texts navigator |
| Wylie |
144b1 དེ།། སྟོང་པ་དབྱིངས་ཡིན་སྟོང་པ་དབྱིངས་སུ་གཟུང་།། གཟུང་བའི་བག་ཆགས་ཡེ་ཤེས་དབྱིངས་སུ་སྣང་།། གཞལ་ཡས་ཁང་གི་རང་བཞིན་དབྱིངས་སུ་སྣང་།། ལྷ་ཡི་རང་བཞིན་ཡེ་ཤེས་དབྱིངས་དང་གཉིས།། དབྱེར
144b2 མེད་གཅིག་ཏུ་འདུག་པ་ཡིན་པར་གཟུང་།། གཟུང་བའི་བག་ཆགས་དབྱེར་མེད་གཅིག་ཏུ་སྣང་།། དབྱེར་མེད་གཅིག་ཏུ་གཟུང་བའི་བག་ཆགས་ཀྱིས།། དབྱིངས་ལས་ཡེ་ཤེས་བྱུང་བ་ཡིན་པར་གཟུང་།། ཡེ་ཤེས
144b3 དབྱིངས་སུ་སྣང་བ་ཡིན་པར་གཟུང་།། གཟུང་བས་དབྱིངས་དང་ཡེ་ཤེས་གཉིས་སུ་མེད།། གཉིས་སུ་མེད་པར་འཁྲུལ་ནས་གནས་པའོ།། གནས་པའི་ལྷ་སྤྱོད་འབྲས་བུ་ངེས་པ་ནི།། ཡེ་ཤེས་དཀྱིལ་འཁོར་རང་བཞིན
144b4 རྫོགས་མཐོང་བས།། ཕུང་པོ་ཁམས་དང་སྐྱེ་མཆེད་ལ་སོགས་པས།། བསྐྱེད་མི་དགོས་ཏེ་གདོད་ནས་ལྷར་གནས་པ།། དངོས་སྣང་ཡེ་ཤེས་རང་བཞིན་སྟོང་པ་དབྱིངས།། སྟོང་པའི་དབྱིངས་ལས་ཡེ་ཤེས་ལྷ་རྣམས
144b5 སྣང་།། ཡེ་ཤེས་ལྷ་རྣམས་རང་བཞིན་སྟོང་པའི་དབྱིངས།། དེར་གནས་དབྱིངས་དང་ཡེ་ཤེས་གཉིས་སུ་མེད།། རྣམ་པར་དག་པའི་སྒོར་མཐོང་སྒོར་འཇུག་སྟེ།། བསྲུང་བའི་དམ་ཚིག་ཆོས་ཉིད་སྙིང་རྗེ་སྲུང་།། དབྱིངས
144b6 དང་ཡེ་ཤེས་གཉིས་སུ་མེད་པ་ལྟ།། སྤྱོད་པའི་འཕྲིན་ལས་མ་ཧཱ་ཡོ་ག་ལྟར།། སྤྱད་ལེགས་མ་སྤྱད་ན་ཡང་ཉེས་པ་མེད།། སྒྲུབ་པའི་ཐབས་ནི་ཡོངས་རྫོགས་ཏིང་འཛིན་གྱིས།། བདག་ཉིད་ཕུང་པོ་ཁམས་དང་སྐྱེ་མཆེད
iiif viewer powered by OpenSeadragon
