| e-texts navigator |
| Wylie |
144a1 དག་པའི་ནང་དང་བཅུད་དུ་གཟུང་།། གཟུང་བའི་བག་ཆགས་ནང་དང་བཅུད་དུ་སྣང་།། རིག་མེད་རིག་མ་སྐྱེས་པ་དབྱེར་མེད་ལ།། སྣོད་བཅུད་དག་པའི་དབྱེར་མེད་ཡིན་པར་གཟུང་།། གཟུང་བའི་བག
144a2 ཆགས་སྣོད་བཅུད་དབྱེར་མེད་སྣང་།། རིག་མ་སྐྱེས་དང་རིག་སྐྱེས་ཡན་ལག་ལ།། དབྱིངས་དང་ཡེ་ཤེས་གཉིས་མེད་འཁྲུལ་པ་ནི།། སྣོད་དེ་ཡི་རྫོགས་གཞལ་ཡས་ཁང་དུ་གཟུང་།། གཟུང་བའི་བག་ཆགས་གཞལ་ཡས
144a3 ཁང་དུ་སྣང་།། བཅུད་ཀྱི་རང་བཞིན་ཡེ་རྫོགས་ལྷུན་གྲུབ་ལ།། ལྷ་ཡི་རང་བཞིན་ཡེ་ནས་རྫོགས་པར་གཟུང་།། གཟུང་བའི་བག་ཆགས་ལྷ་ཉིད་རྫོགས་པར་སྣང་།། སྣོད་བཅུད་དབྱེར་མེད་རང་བཞིན་རྫོགས་པ
144a4 ལ།། གཞལ་ཡས་ཁང་དུ་རང་བཞིན་རྫོགས་སྣང་དང་།། ལྷ་ཡི་རང་བཞིན་ཡེ་རྫོགས་སྣང་བ་གཉིས།། དབྱེར་མེད་གཅིག་ཏུ་རྫོགས་པར་སྣང་བར་གཟུང་།། གཟུང་བའི་བག་ཆགས་དབྱེར་མེད་རྫོགས་པར་སྣང་།། དེ
144a5 ལྟར་དབྱེར་མེད་བག་ཆགས་བརྟས་པ་ལ།། ཡན་ལག་རིག་སྐྱེས་འཁོར་ལོ་གསུམ་གཡོས་པས།། རང་བཞིན་གཟུང་མེད་སྟོང་པའི་དབྱིངས་སུ་བཟུང་།། གཟུང་བའི་བག་ཆགས་བརྟས་པས་དབྱིངས་སུ་སྣང་།། བཅུད
144a6 ཀྱི་རང་བཞིན་ལྷ་རུ་སྣང་བ་ལ།། རང་གི་རིག་པ་ཡེ་ནས་ལྷུན་རྫོགས་པ།། ཡེ་ཤེས་ཡིན་སྙམ་ཡེ་ཤེས་ཡིན་པར་གཟུང་།། གཟུང་བའི་བག་ཆགས་ཡེ་ཤེས་ཡིན་པར་སྣང་།། ཡེ་ཤེས་རང་བཞིན་གཟུང་དུ་མེད་པ
iiif viewer powered by OpenSeadragon
