| e-texts navigator |
| Wylie |
143b1 བར་འགྱུར།། རིན་པོ་ཆེ་རྒྱས་པ་ཆེན་པོའི་མདོ་ལས། མ་ཧཱ་ཡོ་ག་འཁྲུལ་སྣང་གི་ལེའུ་སྟེ་ཉི་ཤུ་རྩ་གཅིག་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཨ
143b2 ནུ་ཡོ་ག་ཅི་ལས་འཁྲུལ་པ་དང་།། ཇི་ལྟར་འཁྲུལ་དང་འཁྲུལ་པའི་འདྲ་གཞི་གང་།། འདྲ་གཞི་དེ་ལས་ཨ་ནུ་ཡོ་ག་ཡི།། གང་གིས་མིང་བཏགས་འཁྲུལ་ནས་གནས་པ་ལ།། གནས་པའི་ལྷ་སྤྱོད་འབྲས་བུ་ཇི་ལྟ་བུ།། སྟོན
143b3 པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། ཨ་ནུ་ཡོ་ག་ཅི་ལས་འཁྲུལ་པ་ནི།། རང་བྱུང་ཡེ་ཤེས་ཟེར་གྱི་ཡན་ལག་དེ།། སྔར་སྐྱེ་མ་མྱོང་ཟེར་དེ་སྐྱེ་ལས་འཁྲུལ།། ཟེར་གྱི་ཡན
143b4 ལག་ཇི་ལྟར་འཁྲུལ་པ་ནི།། རང་བྱུང་ཡེ་ཤེས་ཡན་ལག་ཕྲ་མོ་དེ།། གཡོ་མི་གཡོ་ལས་ཕྲ་རབ་ཟེར་གཡོས་པས།། གཡོས་པའི་རང་བཞིན་ཡེ་ཤེས་མ་འགགས་དང་།། ཡེ་ཤེས་མ་འགགས་རྩལ་ལས་འཁྲུལ
143b5 པའོ།། འཁྲུལ་པའི་འདྲ་གཞི་གང་ལས་འཁྲུལ་པ་ནི།། རྩལ་གྱི་ཡན་ལག་ལྔ་ལས་འཁྲུལ་པ་སྟེ།། རྩལ་གྱི་ཡན་ལག་ལྔ་པོ་འདྲ་གཞི་ཡིས།། ཨ་ནུ་ཡོ་གའི་མིང་བཏགས་འཁྲུལ་པ་ནི།། ཡན་ལག་རིག་སྐྱེས་འཁོར་ལོ
143b6 གསུམ་གཡོས་པས།། རྩལ་གྱི་ཡན་ལག་རིག་མེད་གནས་པ་ལ།། ཡེ་ནས་དག་པའི་སྣོད་ཡིན་ཡུལ་དུ་གཟུང་།། གཟུང་བའི་བག་ཆགས་སྣོད་ཡིན་ཡུལ་དུ་སྣང་།། རིག་མ་སྐྱེས་དང་རིག་སྐྱེས་ཡན་ལག་ལ།། ཡེ་ནས
iiif viewer powered by OpenSeadragon
