| e-texts navigator |
| Wylie |
142a1 སྣང་སྟོང་དབྱེར་མེད་དང་།། བྱ་བ་བྱེད་དང་ཕོ་མོ་དབྱེར་མེད་དང་།། ཐབས་དང་ཤེས་རབ་བསྐྱེད་རྫོགས་དབྱེར་མེད་ཀྱི།། མིང་གི་བྱེ་བྲག་སོ་སོར་མིང་བཏགས་པས།། མིང་བཏགས་བརྟས་པ་དབྱེར
142a2 མེད་སྣང་བ་སྟེ།། སྣང་བས་རང་ཡང་དབྱེར་མེད་སྣང་བའོ།། རྩལ་གྱི་ཡན་ལག་རིགས་མཐུན་འདྲ་མཐུན་ལ།། མ་ཧཱ་ཡོ་ག་ལྷ་དང་སྐུར་འཁྲུལ་ནི།། རང་བྱུང་ཡན་ལག་སྐད་ཅིག་གཡོས་པ་ལ།། འཁོར་ལོ་གསུམ་གྱིས
142a3 སྐུ་དང་ལྷར་བཏགས་པས།། ཡན་ལག་དང་པོ་དམིགས་པ་མེད་པ་ལ།། ཆོས་ཀྱི་སྐུ་ཡིན་སྙམ་ནས་ཆོས་སྐུར་བཏགས།། བཏགས་པའི་བག་ཆགས་ཆོས་སྐུར་སྣང་བ་སྟེ།། ཡན་ལག་དེ་ཉིད་དེ་ལ་ལོངས་སྤྱོད
142a4 པས།། ལོངས་སྤྱོད་རྫོགས་སྐུ་ཡིན་སྙམ་ལོངས་སྤྱོད་བཏགས།། བཏགས་པའི་བག་ཆགས་ལོངས་སྤྱོད་རྫོགས་སྐུར་སྣང་།། ཡན་ལག་དེ་ཉིད་ཅིར་ཡང་སྤྲུལ་པས་ན།། སྤྲུལ་པའི་སྐུ་ཡིན་སྙམ་ནས་སྦྲུལ་སྐུར
142a5 བཏགས།། བཏགས་པའི་བག་ཆགས་སྦྲུལ་སྐུར་སྣང་བའོ།། ཡན་ལག་དེ་ཉིད་སྟོང་པར་སྣང་བ་ལ།། མོ་ཡིན་སྙམ་ནས་མོ་རུ་མིང་བཏགས་པས།། བཏགས་པའི་བག་ཆགས་མོ་རུ་སྣང་བའོ།། ཡན་ལག་དེ་རང་ཆོས
142a6 ཉིད་ངང་སོང་བས།། ཆོས་ཉིད་བདེ་བའི་རོ་དེ་མྱོང་བ་ཡིས།། བདེ་བ་ཆེན་པོའི་སྐུ་རུ་མིང་བཏགས་པས།། བཏགས་པའི་བག་ཆགས་བདེ་བའི་སྐུ་རུ་སྣང་།། ཡན་ལག་དེ་ཉིད་སྣང་སྟོང་དབྱེར་མེད་པས།། ཟུང་འཇུག
iiif viewer powered by OpenSeadragon
