| e-texts navigator |
| Wylie |
141b1 མཐུན་རིགས་མཐུན་འདྲ་བ་འདུས་པའོ།། བྱ་བས་བྱུང་བའི་འཁྲུལ་པའི་འདྲ་གཞི་ནི།། རང་བྱུང་རྩལ་གྱི་ཡན་ལག་བྱུང་བ་དེས།། རང་གིས་ཇི་ལྟར་བྱ་བ་བྱས་པ་བཞིན།། སྙིང་པོའི་ནང་དུ་དེ་བཞིན་བྱུང་བའོ།། རིགས
141b2 མཐུན་མོས་མཐུན་མིང་བཏགས་འདྲ་གཞི་ནི།། འདྲ་གཞི་དེ་ལ་འཁོར་ལོ་རྣམ་གསུམ་གྱིས།། མིང་གི་བྱེ་བྲག་རང་རང་རིགས་མཐུན་པའི།། འདྲ་མཐུན་རིགས་མཐུན་མིང་བཏགས་འདྲ་གཞིའོ།། རྩལ་གྱི་ཡན་ལག
141b3 འདྲ་མཐུན་རིགས་མཐུན་ལ།། མ་ཧཱ་ཡོ་གའི་འདྲ་མཐུན་འཁྲུལ་པ་ནི།། ཡན་ལག་རིག་མེད་རིག་མ་སྐྱེས་པ་ལ།། རིག་སྐྱེས་འཁོར་ལོ་གསུམ་གྱིས་མིང་བཏགས་པ།། ཕྱི་དང་སྣོད་ཡུལ་གཟུང་བ་བྱ་བ་དང་།། སྟོང་པ་མོ
141b4 དང་ཤེས་རབ་རྫོགས་རིམ་དུ།། མིང་གི་བྱེ་བྲག་སོ་སོར་མིང་བཏགས་པས།། མིང་བཏགས་བརྟས་པ་དེ་བཞིན་སྣང་བ་སྟེ།། སྣང་བས་དེ་བཞིན་ཡིད་ལ་སྣང་བའོ།། ཡན་ལག་རང་རིག་རིག་པར་སྐྱེས་པ་ལ།། ནང
141b5 བཅུད་ཡུལ་ཅན་འཛིན་པར་བྱེད་པ་དང་།། སྣང་བ་ཕོ་དང་ཟབས་དང་བསྐྱེད་རིམ་ལ།། མིང་གི་བྱེ་བྲག་སོ་སོར་མིང་བཏགས་པས།། མིང་བཏགས་བརྟས་པ་དེ་ལྟར་སྣང་བ་སྟེ།། སྣང་བས་རང་ལ་དེ་བཞིན་སྣང
141b6 བའོ།། རང་བྱུང་ཟེར་གྱི་ཡན་ལག་གཡོས་པ་ཡིས།། རིག་མེད་རིག་མ་སྐྱེས་པའི་དབྱེར་མེད་དང་།། རིག་སྐྱེས་རིག་མ་སྐྱེས་པ་གཉིས་མེད་ལ།། ཕྱི་ནང་སྣོད་བཅུད་གཟུང་འཛིན་གཉིས་མེད་དང་།། ཡུལ་དང་ཡུལ་ཅན
iiif viewer powered by OpenSeadragon
