| e-texts navigator |
| Wylie |
141a1 སོང་གསུམ་འཁྱམ་མོ།། རིན་པོ་ཆེ་རྒྱས་པ་ཆེན་པོའི་མདོ་ལས། ཡོ་ག་འཁྲུལ་སྣང་གི་ལེའུ་སྟེ་ཉི་ཤུ་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ
141a2 ལ།། མ་ཧཱ་ཡོ་ག་འཁྲུལ་པ་ཅི་ཡི་འཁྲུལ། འཁྲུལ་པའི་གཞི་དང་འཁྲུལ་པའི་འདྲ་གཞི་གང་།། འདྲ་གཞི་དེ་ལས་མ་ཧཱ་ཡོ་ག་ཡི།། གང་གིས་མིང་བཏགས་འཁྲུལ་ནས་གནས་པ་དང་།། གནས་པའི་ལྷ་སྤྱོད་འབྲས་བུ་ཇི་ལྟ
141a3 བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། རྩལ་གྱི་ཡན་ལག་ལྔར་སྐྱེས་མ་མྱོང་བས།། རྩལ་གྱི་ཡན་ལག་རིག་པར་སྐྱེས་པ་དེས།། རང་བཞིན་ལྷུན་གྲུབ་མིང་མེད
141a4 མ་རྟོགས་པས།། རྩལ་གྱི་ཡན་ལག་སྐྱེས་ལ་མིང་བཏགས་འཁྲུལ།། རང་བཞིན་ལྷུན་གྲུབ་ནམ་མཁའ་མིང་མེད་འདི།། ཆོས་སྐུ་རང་འབྱུང་ཡེ་ཤེས་དབྱེར་མེད་དེ།། མ་ཧཱ་ཡོ་གའི་འཁྲུལ་པའི་བཞི་ཡང་ཡིན།། རང་བྱུང
141a5 རྩལ་གྱི་ཡན་ལག་གཡོས་པ་དེས།། མ་ཧཱ་ཡོ་གའི་འཁྲུལ་པའི་འདྲ་གཞི་ཡིན།། འཁྲུལ་པའི་འདྲ་གཞི་ལ་ཡང་རྣམ་གསུམ་སྟེ།། ཡན་ལག་འདྲ་མཐུན་འཁྲུལ་པའི་འདྲ་གཞི་དང་།། བྱས་པས་བྱུང་བའི་འཁྲུལ་པའི་འདྲ
141a6 གཞི་དང་།། རིགས་མཐུན་མོས་མཐུན་མིང་བཏགས་འདྲ་གཞིའོ།། ཡན་ལག་འདྲ་མཐུན་འཁྲུལ་པའི་འདྲ་གཞི་ནི།། རང་བྱུང་རྩལ་གྱི་ཡན་ལག་གཡོས་པ་ཡིས།། རིག་མེད་རིག་མ་སྐྱེས་དང་རིག་སྐྱེས་ཀྱི།། འདྲ།
iiif viewer powered by OpenSeadragon
