| e-texts navigator |
| Wylie |
140b1 རིགས་ལྔ་ལྷ་ཡི་མིང་བཏགས་པས།། བཏགས་པའི་བག་ཆགས་རང་ཡང་ལྷ་ལྔར་སྣང་།། ལྷ་ལྔར་སྣང་བས་སྤུན་དང་གྲོགས་པོར་ལྟ།། རང་གི་སྤུན་ལ་རང་གིས་ལྷ་ཕྱག་དང་།། མཆོད་བསྟོད་ལ་སོགས་བྱ་བ་བྱས་པ
140b2 ཡིས།། དངོས་གྲུབ་དེ་ཡིས་སྟེར་བར་འོང་བར་མཐོང་།། མཐོང་བའི་བག་ཆགས་དེ་ཡིས་སྟེར་བར་སྣང་།། ཀུན་རྫོབ་ཙམ་དུ་དེ་ལྟར་སྣང་བ་ཡི།། དོན་དམ་དངོས་ལ་སྐྱེ་འགག་མེད་པར་འདོད།། དེ་ལྟར་འཁྲུལ་ནས
140b3 གནས་པའི་ཡོ་ག་ཡིས།། འཇུག་སྒོ་ཏིང་འཛིན་གཙོར་བྱས་སྒོར་འཇུག་སྟེ།། དམ་ཚིག་དཀོན་མཆོག་གསུམ་དང་བྱང་ཆུབ་སེམས།། དུས་གསུམ་དུ་ཡང་སྤང་བར་མི་བྱ་ཞིང་།། རྡོ་རྗེ་སློབ་དཔོན་ལྷ་ཡང་དམིགས་པ
140b4 དང་།། རྡོ་རྗེ་སྤུན་དང་མིང་སྲིད་བརྟེན་པ་དང་།། དབང་མ་ཐོབ་པར་ཆོས་ནི་མི་བཤད་ཅིང་།། ལྟ་བ་དམན་པའི་གང་ཟག་སྤང་བར་བྱ།། རྡོ་རྗེ་དྲིལ་བུ་རྟག་ཏུ་བཅང་བྱ་སྟེ།། རྣལ་འབྱོར་དམ་ཚིག་ཉམས་པ་དེ་ཉིད
140b5 དང་།། ལུང་པ་གཅིག་གི་ཆུ་ལ་བཏུང་མི་བྱའོ།། སྤྱོད་པའི་འཕྲིན་ལས་བསྡུ་བ་རྣམ་བཞི་དང་།། འཕྲིན་ལས་རྣམ་བཞི་སེམས་ཅན་དོན་དུ་སྤྱོད། ཁོ་ན་ཉིད་ཀྱི་སུམ་ཅུ་རྩ་བདུན་གྱི།། སྒོ་ནས་སྒྲུབ་པའི་ཐབས་ཀྱི་ཡན
140b6 ལག་སྟེ།། ཡོ་ག་དག་གིས་གྲུབ་པའི་འབྲས་བུ་ནི།། རིན་ཆེན་འབྱུང་ལྡན་ཤིན་ཏུ་མཐོང་བ་ཐོབ།། ཚེ་ཡི་རིགས་འཛིན་ཐོབ་ཅེས་གྲགས་པ་སྟེ།། དབང་པོ་འབྲིང་ན་བསམ་གཏན་བཞི་གནས་སྐྱེ།། དབང་པོ་ཐ་མ་ངན
iiif viewer powered by OpenSeadragon
