| e-texts navigator |
| Wylie |
140a1 པར་མ་སྐྱེས་པ།། རིག་པར་སྐྱེས་པའི་ཡན་ལག་བྱུང་བ་ལ།། རིག་སྐྱེས་འཁོར་ལོ་གསུམ་དུ་ཡིད་གཡོས་པས།། རིག་པར་བྱེད་པ་སེམས་ཡིན་སེམས་སུ་གཟུང་།། གཟུང་བའི་བག་ཆགས་འཛིན་པ
140a2 སེམས་སུ་སྣང་།། བྱེད་པའི་སེམས་དེ་གཙོར་བཟུང་གཙོ་རུ་སྣང་།། ཡོ་གའི་ཐེག་པར་འཁྲུལ་ནས་སྣང་བའོ།། ཡན་ལག་རྩལ་གྱི་ཤེས་པ་ལྟར་འཁྲུལ་ནི།། གསལ་དང་མི་འགྱུར་རྒྱ་མ་ཆད་པ་དང་།། མི་གཡོ་མ
140a3 འགགས་ཡན་ལག་ལྔ་པོ་ལ།། འཁོར་ལོ་གསུམ་གྱི་ཤེས་པས་ལྷར་བཟུང་བས།། རྣམ་པར་སྣང་མཛད་རྡོ་རྗེ་སེམས་དཔའ་དང་།། རིན་ཆེན་འབྱུང་ལྡན་སྣང་མཐའ་དོན་གྲུབ་པ།། རིགས་ལྔའི་ལྷར་བཟུང་རིགས་ལྔའི
140a4 མིང་བཏགས་ཏེ།། མིང་བཏགས་བརྟས་པ་རིགས་ལྔར་སྣང་བ་ཡང་།། རྣམ་པར་སྣང་མཛད་དེ་བཞིན་རིགས་བརྒྱུད་འཛིན།། རྡོ་རྗེ་སེམས་དཔའ་རྡོ་རྗེ་རིགས་བརྒྱུད་འཛིན།། རིན་ཆེན་འབྱུང་ལྡན་རིན་ཆེན་རིགས
140a5 བརྒྱུད་འཛིན།། སྣང་བ་མཐའ་ཡས་པདྨའི་རིགས་བརྒྱུད་འཛིན།། དོན་ཡོད་གྲུབ་པ་ལས་ཀྱི་རིགས་བརྒྱུད་འཛིན།། དེ་ལྟར་རིགས་ལྔའི་བརྒྱུད་འཛིན་བཟུང་བ་ཡིས།། རང་དང་གཞན་ཀྱང་རིགས་ལྔའི་བརྒྱུད་འཛིན
140a6 དེ།། ཇི་ལྟར་བརྒྱུད་དུ་འཛིན་པ་སྣང་ཞེ་ན།། དང་པོ་དེ་ལས་བྱུང་བ་ཡིན་པ་དང་།། བར་དུ་དེ་ཡི་བྱ་བ་བྱེད་པ་དང་།། ཐ་མར་དེ་ཡི་བརྒྱུད་རྣམས་འཛིན་པར་བྱེད།། དེ་ཡི་ཕྱིར་ན་རིགས་ཞེས་གྲགས་པ་ཡིན།། དེ་ལྟར
iiif viewer powered by OpenSeadragon
