| e-texts navigator |
| Wylie |
139a1 ཡན་ལག་གིས།། རིག་མ་སྐྱེས་དང་རིག་སྐྱེས་ཡན་ལག་ལ།། འཁོར་ལོ་གསུམ་དུ་གཡོས་པའི་ཡན་ལག་གི།། འཛིན་པར་བྱེད་པའི་སེམས་ཡིན་འཛིན་པར་གཟུང་།། གཟུང་བའི་བག་ཆགས་འཛིན་པའི
139a2 སེམས་སུ་སྣང་།། བྱེད་པའི་སེམས་དེ་གཙོར་བཟུང་གཙོར་སྣང་བས།། ཨུ་པ་ཡ་ཡི་ཐེག་པར་འཁྲུལ་སྣང་བའོ།། ཤེས་པ་ལྷར་འཁྲུལ་མིང་བཏགས་སྣང་བ་ཡང་།། ཀུན་གཞི་ཡིད་གཉིས་སྒོ་ལྔ་ཤེས་པ་བཞིའི།། སྙིང་པོ
139a3 བཞི་ལ་རིགས་བཞིའི་ལྷར་མཐོང་བ།། རྡོ་རྗེ་སེམས་དཔའ་རིན་ཆེན་འབྱུང་ལྡན་དང་།། སྣང་བ་མཐའ་ཡས་དོན་ཡོད་གྲུབ་པ་ཡི།། རིགས་བཞིའི་ལྷར་མཐོང་རིགས་བཞིའི་ལྷ་བཟུང་བས།། གཟུང་བའི་བག་ཆགས
139a4 རིགས་བཞིའི་ལྷ་རུ་སྣང་།། ཤེས་པ་བཞིན་ནི་སྙིང་པོ་དཔོན་དུ་གཟུང་།། གཟུང་བའི་བག་ཆགས་སྙིང་པོ་ཉིད་དུ་གཟུང་།། ཟེར་གྱི་ལོག་རྟོག་རང་སེམས་གཡོག་ཏུ་གཟུང་།། གཟུང་བའི་བག་ཆགས་རང་སེམས་གཡོག
139a5 དུ་གཟུང་།། དེ་ལྟར་དཔོན་གཡོག་ལྟ་བར་སྣང་བ་ཡིས།། རང་གི་དཔོན་ལ་སྤྱན་དྲངས་ཕྱག་འཚལ་དང་།། མཆོད་བསྟོད་ལ་སོགས་བྱ་བ་བྱས་པ་ཡིས།། དངོས་གྲུབ་དེ་ཡིས་སྟེར་བར་འོང་བར་གཟུང་།། གཟུང་བའི
139a6 བག་ཆགས་དངོས་གྲུབ་སྟེར་བར་སྣང་།། ཀུན་རྫོབ་ཙམ་དུ་དེ་ལྟར་སྣང་མོད་ཀྱང་།། དོན་དམ་དངོས་ལ་སྐྱེ་འགག་མེད་པར་འདོད།། དེ་ལྟར་འཁྲུལ་ནས་གནས་པའི་ཨུ་པ་ཡིས།། འཇུག་སྒོ་ཏིང་འཛིན་གཙོར་བཟུང་སྒོ
iiif viewer powered by OpenSeadragon
