| e-texts navigator |
| Wylie |
138b1 སེམས་དང་ཡེ་ཤེས་གཉིས།། རྗེ་དང་ཁོལ་གྱི་ཚུལ་དུ་ལྟ་བའོ།། སྤྱོད་པའི་འཕྲིན་ལས་འཕྲིན་ལས་རྣམ་བཞི་དང་།། དག་ཅིང་གཙང་བར་སྤྱད་པའི་སྒོ་ནས་ནི།། བདག་དང་གཞན་གྱི་སྒོ་ནས་སྤྱོད་པའོ།། སྒྲུབ
138b2 པའི་ཐབས་ཀྱི་ཡན་ལག་ནི།། ལྷ་དྲུག་སྒོ་ནས་བདག་ཉིད་སྒོམ་བྱས་ནས།། དམིགས་པ་གསུམ་དང་ཡན་ལག་བཞིས་སྒྲུབ་པའོ།། ཀྲི་ཡའི་འབྲས་བུ་ངེས་པར་ཐོབ་པ་ནི།། རབ་ན་མི་གདུང་སྣང་བ་མཐའ་ཡས
138b3 ཞིང་།། མངོན་པར་ཤེས་པ་ཙམ་ཞིག་མཐོང་བ་སྟེ།། དབང་པོ་འབྲིང་ན་བསམ་གཏན་བཞི་པ་ཡིས།། དང་པོའི་གནས་སུ་སྐྱེ་བར་འགྱུར་བ་སྟེ།། དབང་པོ་ཐ་མ་ངན་སོང་གསུམ་འཁྱམ་མོ།། རིན་པོ་ཆེ་རྒྱས་པ་ཆེན་པོའི
138b4 མདོ་ལས། ཀྲི་ཡ་འཁྲུལ་སྣང་གི་ལེའུ་སྟེ་བཅོ་བརྒྱད་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཨུ་པ་ཡ་འཁྲུལ་ཅི་ལས་འཁྲུལ་པ་དང་།། འཁྲུལ་པའི
138b5 འདྲ་གཞི་གང་ལས་འཁྲུལ་པ་དང་།། འཁྲུལ་ནས་གནས་པའི་ལྟ་སྤྱོད་འབྲས་བུ་འདི།། གང་ལས་གང་གིས་མིང་བཏགས་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས
138b6 དཔའ་ལ།། ཆོས་སྐུ་རང་བྱུང་ཡེ་ཤེས་དབྱེར་མེད་པའི།། རང་བཞིན་ལྷུན་གྲུབ་གནས་པ་མ་རྟོགས་པས།། ཨུ་པ་ཡ་ཡི་ཐེག་པར་འཁྲུལ་པའོ།། འཁྲུལ་པའི་འདྲ་གཞི་གང་ལས་འཁྲུལ་པ་ནི།། རང་བྱུང་ཡེ་ཤེས་ཟེར་གྱི
iiif viewer powered by OpenSeadragon
