| e-texts navigator |
| Wylie |
138a1 བས།། བྱ་བའི་རྒྱུད་ཀྱི་མཚན་མར་སྣང་བའོ།། ཡན་ལག་རིག་སྐྱེས་ཤེས་པ་གསུམ་པོ་ལ།། འཁོར་ལོ་གསུམ་གྱི་ཡིད་ཀྱི་མིང་བཏགས་པ།། དང་པོ་ཅི་ཡིན་ཡིད་ལ་འཇམ་དཔལ་མིང་།། ཡིན་མིན་ཡིད
138a2 ལ་སྤྱན་རས་གཟིགས་ཀྱི་མིང་།། ཡིན་གདེང་ཡིད་ལ་ཕྱག་ན་རྡོ་རྗེའི་མིང་།། བཏགས་ཏེ་ལྷ་ཡིན་སྙམ་ནས་རིགས་གསུམ་ལྟར།། གཟུང་བའི་བག་ཆགས་རིགས་གསུམ་ལྷ་རུ་སྣང་།། ཡན་ལག་སེམས་ཀྱི་སྙིང་པོ་རྗེ་རུ
138a3 མཐོང་།། ཟེར་གྱི་ལོག་རྟོག་རང་སེམས་བྲན་དུ་མཐོང་།། ལྷ་རྗེ་ངེར་མཐོང་རང་ཉིད་བྲན་གཟུང་བས།། གཟུང་བའི་བག་ཆགས་རྗེ་དང་བྲན་དུ་སྣང་།། རང་རིག་རྗེ་ལ་སྤྱན་དྲངས་ཕྱག་འཚལ་དང་།། མཆོད་བསྟོད་ལ
138a4 སོགས་བྱ་བ་བྱས་པ་ཡིས།། དངོས་གྲུབ་དེ་ཡིས་སྟེར་བར་འདོད་པའོ།། འཇུག་སྒོ་དག་པ་རྣམ་གསུམ་སྒོར་འཇུག་སྟེ།། ཕྱི་དག་དུས་ཚོད་གཟའ་སྐར་བཟང་པོ་དང་།། ནང་དག་ཁྲུས་དང་གཙང་སྒྲ་བཤགས་པ
138a5 དང་།། རྫས་དག་ཡོ་བྱད་སྐྱོན་གྱིས་མ་གོས་པའི།། ཀྲི་ཡ་བསྲུང་བའི་དམ་ཚིག་རྣམ་གཉིས་ཏེ།། རྩ་བ་དཀོན་མཆོག་གསུམ་དང་བྱང་ཆུབ་སེམས།། སྔགས་དང་ཕྱག་རྒྱ་རྡོ་རྗེ་སློབ་དཔོན་དང་།། རྡོ་རྗེ་དྲིལ་བུ་སྲོག
138a6 ཕྱིར་མི་སྤང་བའོ།། ཡན་ལག་ཁྲི་ལ་མི་ཉལ་ཤ་ཆང་དང་།། སྒོག་བཙོང་ཟ་ལྕམ་ལ་ཕུག་མི་ཟ་ཞིང་།། དུས་བཞི་དག་ཏུ་ཁྲུས་བྱས་རྒྱུན་མི་གཅད།། རྟོགས་ལྟ་དོན་དམ་ཆོས་ཉིད་སྐྱེ་མེད་པས།། ཀུན་རྫོབ་དམ་ཚིག
iiif viewer powered by OpenSeadragon
