| e-texts navigator |
| Wylie |
137b1 ཡིས།། འགྲོ་བ་དྲུག་གི་སེམས་ཅན་དོན་དུ་སྤྱོད།། བྱང་ཆུབ་ཕྱོགས་ཀྱི་སུམ་སུ་རྩ་བདུན་དང་།། ཕ་རོལ་ཕྱིན་པ་བཅུ་པོ་སྒྲུབ་པ་སྟེ།། ཡུལ་སེམས་གཉིས་མེད་སྟོང་པའི་རང་བཞིན་སྒོམ།། དབུ་མའི་འབྲས་བུ་ངེས
137b2 པ་ཐོབ་པ་ཡང་།། དབང་པོ་རབ་ནི་མི་ཆེའི་ལྷ་གནས་རིས།། དབང་པོ་འབྲིང་ནི་བསམ་གཏན་བཞི་པའི་གནས།། ཡང་ན་བསམ་གཏན་གཉིས་དང་གསུམ་པར་སྐྱེ།། དབང་པོ་ཐ་མ་ངན་སོང་གསུམ་འཁྱམ་མོ།། རིན
137b3 པོ་ཆེ་རྒྱས་པ་ཆེན་པོའི་མདོ་ལས། དབུ་མ་འཁྲུལ་སྣང་གི་ལེའུ་སྟེ་བཅུ་བདུན་པའོ།། ། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཀྲི་ཡ་འཁྲུལ་པའི་ངེས་པ་ཅི་ལས
137b4 བྱུང་།། ཀྲི་ཡ་འཁྲུལ་པའི་འདྲ་གཞི་གང་ལས་འཁྲུལ།། ཀྲི་ཡ་འཁྲུལ་ནས་ཀྲི་ཡར་གནས་པ་ཡི།། གནས་པའི་ལྷ་སྤྱོད་འབྲས་བུ་ངེས་པ་དག། གང་ལ་མིང་བཏགས་སྣང་བ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ
137b5 ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། ཆོས་སྐུ་རང་བྱུང་ཡེ་ཤེས་དབྱེར་མེད་པའི།། གནས་པའི་གནས་ལུགས་རང་བཞིན་མ་རྟོགས་པའོ།། རང་བྱུང་ཡེ་ཤེས་ཟེར་གྱི་ཡན་ལག་གི།། རིག་མེད་རིག་མ
137b6 སྐྱེས་པའི་ཡན་ལག་ལ།། ཡན་ལག་རིག་སྐྱེས་འཁོར་ལོ་གསུམ་གཡོས་པས།། གཟུང་བར་བྱ་བའི་ཡུལ་ཡིན་ཡུལ་དུ་གཟུང་།། གཟུང་བའི་བག་ཆགས་བྱ་བའི་ཡུལ་དུ་སྣང་།། བྱ་བའི་ཡུལ་དེ་གཙོར་གཟུང་གཙོར་སྣང
iiif viewer powered by OpenSeadragon
