| e-texts navigator |
| Wylie |
135b1 འདོད།། རྗེས་ཐོབ་དུས་ལ་རྟོག་པ་མངའ་བ་དང་།། ཕ་རོལ་ཡུལ་ལྟར་འཁྲུལ་ནས་སྣང་བ་ནི།། རིག་མེད་རིག་མ་སྐྱེས་པའི་རྩལ་བྱུང་དང་།། ཡན་ལག་རིག་སྐྱེས་རིག་པར་བྱུང་བ་ལ།། འཁོར་ལོ་གསུམ་གྱི་རྟོག་པ
135b2 སྐྱེས་པ་ལས།། འབྱུང་བ་ལྔ་ཡི་མཚན་མ་ཕྲ་མོར་གཟུང་།། གཟུང་བའི་བག་ཆགས་འབྱུང་བ་ལྔར་སྣང་བས།། སྣང་བས་རང་རིག་རང་སེམས་བསྒྲིབས་པ་དེས།། ཕྱི་རོལ་ཡུལ་མེད་ཡུལ་དང་ཡུལ་ཅན་དུ།། མེད་ཀྱང
135b3 འཁྲུལ་ནས་སྣང་བར་མཐོང་བ་དེ།། དཔེར་ན་མིག་དེ་རབ་རིབ་ཚོད་དང་མཚུངས།། བདེན་གཉིས་སྒོར་འཇུག་བདག་མེད་རྣམ་གཉིས་རྟོགས།། བསྲུང་བའི་ཚུལ་ཁྲིམས་སྡོམ་པ་ཉི་ཤུ་སྲུང་།། སྤྱོད་པའི་འཕྲིན་ལས
135b4 གཞན་གྱི་དོན་དུ་སྤྱོད།། སུམ་ཅུ་རྩ་བདུན་ཕ་རོལ་བཅུ་པོ་སྒྲུབས།། སེམས་ཀྱི་ངོ་བོ་རང་རིག་རང་གསལ་བསྒོམ།། སེམས་ཙམ་འབྲས་བུའི་ངེས་པ་ཐོབ་པ་ནི།། དབང་པོ་རབ་ནི་མི་ཆེ་ལྷ་གནས་རིག། རིགས་ལྔ་ས་ཡི
135b5 དང་པོར་བསྟན་པ་སྟེ།། གཙོ་བོ་དོན་ཡོད་གྲུབ་པའི་སྐུ་བཞུགས་པས།། བདེ་བར་གཤེགས་པའི་ཞལ་ནི་མཐོང་ཞེས་བྱ།། དབང་པོ་འབྲིང་ནི་བསམ་གཏན་བཞི་པའི་གནས།། ཡང་ན་བསམ་གཏན་གསུམ་དང་གཉིས
135b6 པར་སྐྱེ།། དབང་པོ་ཐ་མ་ངན་སོང་གསུམ་འཁྱམ་མོ།། རིན་པོ་ཆེ་རྒྱས་པ་ཆེན་པོའི་མདོ་ལས།། སེམས་ཙམ་འཁྲུལ་སྣང་གི་ལེའུ་སྟེ་བཅུ་དྲུག་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན
iiif viewer powered by OpenSeadragon
