| e-texts navigator |
| Wylie |
135a1 རིག་སྐད་ཅིག་རིག་པར་སྐྱེས་པ་དེས།། རང་རིག་སེམས་ལ་ནང་དུ་ཁ་བལྟས་ཏེ།། ང་ཡི་ཡིན་སྙམ་རང་གཟུང་ངར་འཛིན་ཏེ།། ངར་འཛིན་དེ་ལ་ཉོན་མོངས་ཡིད་དུ་གཟུང་།། གཟུང་བའི་བག་ཆགས
135a2 ཉོན་མོངས་ཡིད་དུ་སྣང་།། ཡན་ལག་རང་རིག་རིག་པར་སྐྱེས་པ་དེས།། ནང་དང་ཕྱི་རོལ་ཡུལ་ལ་ཁ་བལྟས་ཏེ།། རྟོག་ཅིང་དཔྱོད་པའི་ཤེས་པ་སྐྱེས་པ་ལ།། ཡིད་ཀྱི་ཤེས་པ་ཡིན་སྙམ་ཡིད་དུ་གཟུང་།། གཟུང་བའི
135a3 བག་ཆགས་ཡིད་ཀྱི་ཤེས་པར་སྣང་།། ཡིད་ཀྱི་ཤེས་པ་ཕྱི་རོལ་ཡུལ་སྐྱེས་པས།། ཡུལ་གྱི་དབང་གིས་སྒོ་སྒོར་སྐྱེས་པ་ལ།། སྒོ་ལྔའི་ཤེས་པ་སྐྱེས་པ་ཡིན་པར་གཟུང་།། གཟུང་བའི་བག་ཆགས་སྒོ་ལྔའི་ཤེས་པར
135a4 སྣང་།། དེ་ལྟར་སེམས་སུ་སེམས་འཁྲུལ་སྣང་བའོ།། སེམས་སུ་སྣང་བའི་ལྟ་བའི་རང་བཞིན་ནི།། རང་རིག་རང་གསལ་རང་རིག་ཉམས་མྱོང་བའི།། གསལ་བྱེད་གཞན་ལ་མ་ལྟོས་རྒྱུ་འབྲས་ཅན།། སེམས་ཅན་དུས་ན
135a5 ཀུན་གཞི་རྣམ་ཤེས་དེ།། སྐད་ཅིག་མི་རྟག་རྒྱུན་གྱིས་རྟག་པར་འདོད།། ཚོགས་དྲུག་སྐྱེ་འགག་བྱེད་པས་མི་རྟག་སྟེ།། ཕྱི་ནང་གཉིས་ཀ་སེམས་སུ་སྣང་བར་འདོད།། སངས་རྒྱས་དུས་ན་མི་རྟོག་ཡེ་ཤེས་ཏེ།། སྣ་ཚོགས
135a6 སྣང་ཡང་རྟོག་པ་མེད་པར་འདོད།། དཔེར་ན་ལྐུགས་པས་རོ་མྱོང་བ་དང་མཚུངས།། བདེ་གཤེགས་དུས་ཀྱི་མི་རྟོག་ཡེ་ཤེས་ལ།། སྣ་ཚོགས་སྣང་བའི་རྣམ་པ་གནོད་བྱེད་པས།། སྣ་ཚོགས་སྣང་བ་བརྫུན་པ་ཡིན་པར
iiif viewer powered by OpenSeadragon
