| e-texts navigator |
| Wylie |
134a1 ཅིག་གཡོ་བ་འདུ་བྱེད་གཟུང་།། ཡན་ལག་མཚན་མར་གཟུང་བ་རྣམ་ཤེས་གཟུང་།། ཡན་ལག་སོ་སོར་གཟུང་བ་མིང་དང་གཟུགས་སུ་གཟུང་།། ཕྱི་དང་ནང་དུ་གཟུང་བ་སྐྱེ་མཆེད་གཟུང་།། ཡན་ལག་སོ
134a2 སོར་ཕྲད་པ་རེག་པར་གཟུང་།། རེག་རྐྱེན་ཉམས་མྱོང་ཚོར་བ་ཡིན་པར་གཟུང་།། ཚོར་རྐྱེན་དེ་འདོད་དེ་ལ་སྲེད་པར་གཟུང་།། སྲེད་རྐྱེན་དབང་གིས་བླང་དང་ལེན་པར་གཟུང་།། ལེན་པའི་དབང་གིས་བྱ་བྱེད་སྲིད་པར
134a3 གཟུང་།། སྲིད་པའི་རྐྱེན་གྱིས་ཡན་ལག་སྐྱེས་པ་དེ།། སྐྱེ་བའི་ཡིན་སྙམ་སྐྱེ་བ་ཡིན་པར་གཟུང་།། ཡན་ལག་སྐད་ཅིག་འགྱུར་བ་རྒས་པར་གཟུང་།། འགྱུར་བའི་ནུས་མཐའ་ཟད་པ་ཤི་བར་གཟུང་།། དེ་ལྟར་ཡན་ལག
134a4 སྐད་ཅིག་རྣམ་གྲངས་ལ།། རྟེན་འབྲེལ་འབྱུང་བའི་འཁོར་ལོའི་མིང་དུ་གཟུང་།། གཟུང་བའི་བག་ཆགས་བརྟས་པ་རྟེན་འབྲེལ་སྣང་།། སྣང་བའི་དབང་གིས་ཕྱི་ནང་སྣོད་བཅུད་དང་།། སྡུག་བསྔལ་སྣ་ཚོགས་དེ་ཡིས
134a5 བསྐྱེད་པར་མཐོང་།། མཐོང་བའི་བག་ཆགས་སྡུག་བསྔལ་བརྟས་ནས་གནས།། གནས་པའི་སྡུག་བསྔལ་སྤང་ཕྱིར་རང་ཉིད་ཀྱིས།། རྟེན་འབྲེལ་བཅུ་གཉིས་སྒོ་ནས་རང་འཇུག་སྟེ།། ལུགས་དང་མཐུན་དང་ལུགས་ལ
134a6 བཟློག་པའོ།། རྟོགས་ལྷ་གང་ཟག་བདག་མེད་རྟོགས་སྟེང་དུ།། ཆོས་ཀྱི་ཁམས་ཀྱི་ཕྱོགས་གཅིག་བདག་མེད་རྟོགས།། བསྲུང་བའི་ཚུལ་ཁྲིམས་ཉིས་བརྒྱ་ལྔ་བཅུ་སྲུང་།། སྤྱོད་པའི་འཕྲིན་ལས་རང་དོན་གཞན་འགའ
iiif viewer powered by OpenSeadragon
