| e-texts navigator |
| Wylie |
133b1 སྟེ།། དབང་པོ་འབྲིང་ན་འདུ་ཤེས་མེད་པའི་ཁྲོད།། དབང་པོ་ཐ་མ་ངན་སོང་གསུམ་འཁྱམ་མོ།། རིན་པོ་ཆེ་རྒྱས་པ་ཆེན་པོའི་མདོ་ལས། ཉན་ཐོས་ཀྱི་ཐེག་པ་འཁྲུལ་པའི་ལེའུ་སྟེ་བཅུ་བཞི་པའོ།། །། སྡུད་པའི
133b2 གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། རང་སངས་རྒྱས་ཀྱི་འཁྲུལ་པ་སྣང་བ་ནི།། གང་ལ་བལྟས་འཁྲུལ་འཁྲུལ་ནས་གནས་པ་ལ།། ལྷ་སྤྱོད་འབྲས་བུའི་ངེས་དོན་ཇི་ལྟ
133b3 བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། ཆོས་སྐུ་རང་འབྱུང་ཡེ་ཤེས་དབྱེར་མེད་པའི།། རང་བཞིན་ལྷུན་གྲུབ་ཆོས་སྐུ་ཆ་མེད་པས།། རང་བྱུང་རྩལ་གྱི་ཡན་ལག
133b4 གཡོས་པ་ལས།། ཕྱི་དང་ནང་གི་རྟེན་འབྲེལ་མིང་བཏགས་ལ།། ཕྱི་ཡི་རྟེན་འབྲེལ་མིང་བཏགས་འཁྲུལ་སྣང་ནི།། ཡན་ལག་རང་བཞིན་མཚན་མ་མེད་པ་ལས།། རིག་མེད་རིག་མ་སྐྱེས་པ་བྱུང་བ་ལས།། ཡན་ལག
133b5 རྩལ་གྱི་འཁོར་ལོ་གསུམ་གཡོས་པས།། འབྱུང་བ་བཞི་ལས་རྟེན་འབྲེལ་བྱུང་བར་གཟུང་།། གཟུང་བའི་མིང་ནི་བག་ཆགས་བརྟས་པ་དེ།། ཕྱི་ཡི་རྟེན་འབྲེལ་འབྱུང་བར་སྣང་བའོ།། ནང་གི་རྟེན་འབྲེལ་མིང་བཏགས
133b6 འཁྲུལ་སྣང་ནི།། ཡན་ལག་རང་བཞིན་རང་རིག་མཚན་མེད་ལས།། རང་རིག་དབང་གིས་རང་རང་བྱུང་ལ།། ཡན་ལག་རྩལ་གྱི་འཁོར་ལོ་གསུམ་སྐྱེས་པས།། ལོག་རྟོག་བྱུང་བ་མ་རིག་པ་རུ་གཟུང་།། ཡན་ལག་སྐད
iiif viewer powered by OpenSeadragon
