| e-texts navigator |
| Wylie |
132b1 པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཉན་ཐོས་མཚན་མའི་ཐེག་པ་འཁྲུལ་པ་འདི།། གང་ལས་བྱུང་དང་གང་ལ་བལྟས་འཁྲུལ་དང་།། འཁྲུལ་ནས་གནས་པའི་ལྷ་སྤྱོད
132b2 ཁྱད་པར་དང་།། སྤྱད་པའི་འབྲས་བུ་ངེས་པ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། ཆོས་སྐུ་རང་བྱུང་ཡེ་ཤེས་དབྱེར་མེད་ལས།། རང་བྱུང་ཡེ་ཤེས་མི
132b3 འགྱུར་རང་བཞིན་དེ།། རང་བཞིན་རིག་པར་གནས་པའི་བདག་ཉིད་ལས།། རིག་པ་གྲངས་མེད་གྲངས་ལས་འདས་པ་ཡི།། གྲངས་ཀྱི་ཡན་ལག་ཆ་གཅིག་འབྱུང་བ་ཡི།། གཡོ་མི་གཡོ་ལས་ཕྲ་རབ་ཟེར་གཡོས
132b4 པས།། ཟེར་གྱི་རང་བཞིན་མ་འགགས་ཡེ་ཤེས་ལས།། ཡེ་ཤེས་བྱིན་རླབས་རིག་པར་སྐྱེས་པ་དེ།། རིག་སྐྱེས་དབང་གིས་འཁོར་ལོ་གསུམ་གཡོས་པས།། རྩལ་གྱི་ཆོས་རྣམས་དག་ལ་མིང་བཏགས་འཁྲུལ།། འཁྲུལ
132b5 པའི་སྣང་ལུགས་མདོར་བསྡུས་རྣམ་གཉིས་ཏེ།། ཉན་ཐོས་བྱེ་བྲག་པ་དང་མདོ་སྡེ་པའོ།། ཉན་ཐོས་བྱེ་བྲག་སྨྲ་བའི་འཁྲུལ་པ་ནི།། ཡན་ལག་རྩལ་གྱི་འཁོར་ལོ་གསུམ་གཡོས་པས།། རྩལ་གྱི་ཡན་ལག་གཡོས་པའི
132b6 མཚན་མ་ལ།། རིག་མེད་རིག་པ་ཕྲ་རབ་བྱུང་བ་ལས།། འབྱུང་བའི་རྡུལ་ཕྲན་བྱུང་བ་ཡིན་པར་གཟུང་།། བཟུང་བས་འབྱུང་བའི་རྡུལ་ཕྲན་རྡུལ་དུ་སྣང་།། ཡན་ལག་རིག་སྐྱེས་སྐད་ཅིག་རྒྱུ་བ་དེ།། འབྱུང་བའི་སེམས
iiif viewer powered by OpenSeadragon
