| e-texts navigator |
| Wylie |
130b1 ལྔའི་ངང་ལ་རང་ཞ་སྟེ།། ཕྱི་མ་མི་འདོད་འབྲས་བུ་སངས་རྒྱས་འདོད།། མུ་སྟེགས་ཐུན་མོང་རིགས་ཅན་འཁྲུལ་པ་ཡིན།། རྩལ་གྱི་ཡན་ལག་འཁོར་ལོ་གསུམ་སྐྱེས་པས།། ཡན་ལག་རང་རིག་རང་གསལ་གཡོ་བ
130b2 དེ།། འབྱུང་བ་རླུང་ཡིན་སྙམ་སྟེ་རླུང་དུ་གཟུང་།། ཤེས་པ་རླུང་གཟུང་ཀུན་ལ་ཁྱབ་པ་དེ།། རྩ་ཡིན་སྙམ་ནས་རྩ་རུ་གཟུང་སྟེ་གནས།། ཤེས་པ་སྐད་ཅིག་གྲངས་ཀྱི་བསམ་འདས་པ།། རྩ་ཡི་གྲངས་རྣམས་ཡིན་སྙམ་རྩ
130b3 གྲངས་སུ།། གཟུང་ཕྱོགས་སོ་སོར་གཟུང་བ་ལྷ་གྲངས་འདོད།། རླུང་གཡོས་མི་བདེ་མ་གཡོས་བདེ་བ་ཡིན།། བདེ་འདོད་དབང་གི་རླུང་དེ་འགེགས་བསྒོམ་པའོ།། རིག་བྱེད་གཙང་མར་ལྟ་བ་རྣམ་གཉིས་ཀྱི།། འཁྲུལ
130b4 པ་ལ་ཡང་སྤྱི་དང་སོ་སོ་གཉིས།། མུ་སྟེགས་རིག་བྱེད་སྤྱི་འཁྲུལ་སྣང་བ་ནི།། རྩལ་གྱི་ཡན་ལག་འཁོར་ལོ་གསུམ་སྐྱེས་པས།། ལས་ཀྱི་ཡན་ལག་རང་རིག་རང་གསལ་ལ།། འབྱུང་ལྔའི་དྭངས་མ་གཅིག་ཡོད་གཟུང་བ
130b5 དེ།། དོན་དམ་རང་བཞིན་སྙིང་པོ་མི་འགྱུར་ལ།། མི་ཤིགས་ཤེས་དཀའ་རིག་པས་ཤེས་སླ་བ།། དངོས་མེད་མཚན་མེད་ཡོད་མེད་མེད་པ་མེད།། སྟོང་དང་མི་སྟོང་རྟག་ཆད་མཐའ་ལས་འདས།། ཁ་དོག་དབྱིབས་དང
130b6 ཕྱོགས་རིས་ཡི་གེ་མེད།། སྐུ་གསུམ་མཚན་མ་བརྗོད་པའི་མཐའ་དང་བྲལ།། ནམ་མཁའ་སྐྱོན་མེད་འདྲ་བ་གཅིག་ཡོད་དེ།། དེ་བཞིན་ཉིད་ཀྱི་དེ་བཞིན་གཟིགས་པ་སྟེ།། སེམས་ཅན་མིང་དུ་བཏགས་པ་ཡེ་ནས
iiif viewer powered by OpenSeadragon
