| e-texts navigator |
| Wylie |
130a1 འདོད།། རྟག་པར་གཟུང་བའི་མི་འགྱུར་བདག་པོ་ལས།། ཤེས་པ་སྐད་ཅིག་མང་པོར་བྱུང་བ་ལ།། བྱུང་བའི་རྡུལ་ཕྲན་དག་ཏུ་དེ་གཟུང་སྟེ།། རྡུལ་ཕྲན་བྱེད་པའི་བདག་པོ་དེ་ལ་འགོས།། འགོས་པས
130a2 སྣོད་བཅུད་མཚན་མ་སྣ་ཚོགས་དང་།། དྲི་མ་ངན་པའི་སྡུག་བསྔལ་བྱུང་བར་འདོད།། ངན་པའི་དྲི་མ་སྣ་ཚོགས་བྱུང་བ་འདི།། དགེ་བའི་ལས་བྱས་དབང་གིས་རྡུལ་དག་བསམ།། རྡུལ་དེ་དག་ནས་བདག་ཉིད་རྟག་པར
130a3 འདོད།། རྫ་མའི་ནང་དུ་བྱིའུ་བཅུག་ཁ་བཅད་ནས།། རྫ་བཅག་རྫ་མ་ལས་ཏེ་བྱིའུ་འཕུར་འདྲའོ།། མུ་སྟེགས་ཆད་ལྟ་འཁྲུལ་པ་སྣང་བ་ནི།། རྩལ་གྱི་ཡན་ལག་འཁོར་ལོ་གསུམ་སྐྱེས་པས།། རྩལ་གྱི་ཡན་ལག་དངོས
130a4 པོར་མཚན་མེད་པའི།། རང་རིག་རང་གསལ་སྟོང་པའི་རང་བཞིན་ཏེ།། འབྱུང་བའི་ནམ་མཁའ་སྟོང་པ་ཡིན་པར་མཐོང་།། མཐོང་བས་འབྱུང་བ་ནམ་མཁའ་སྟོང་པར་སྣང་།། སྟོང་པར་སྣང་བའི་འབྱུང་བ་ནམ་མཁའ
130a5 ལ།། འབྱུང་བ་ལྔ་ཡི་ཡོན་ཏན་ཡོད་དམིགས་ནས།། འབྱུང་ལྔའི་བཅུད་ལས་སྣོད་བཅུད་དངོས་པོ་དང་།། མཚན་མར་སྣང་བའི་སྣང་སྲིད་ཐམས་ཅད་ཀུན།། འབྱུང་ལྔའི་བཅུད་ལས་བྱུང་ཞིང་དང་ཞ་བས།། དེ་ཕྱིར་ཚེ
130a6 འདིར་རང་ལ་བདེ་སྡུག་ནི།། ལུས་ངག་ཡིད་ཀྱི་སྒོ་ནས་དགེ་སྤྱད་པ།། འབྲས་བུ་བདེ་སྐྱིད་ཚེ་འདི་རང་ལ་འོང་།། མི་དགེའི་ལས་བྱས་རྣམ་སྨིན་འབྱུང་བ་འདི།། ཚེ་འདི་རང་ལ་སྡུག་བསྔལ་མི་བདེ་འོང་།། ཐ་མ་འབྱུང
iiif viewer powered by OpenSeadragon
