| e-texts navigator |
| Wylie |
128b1 ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། རང་བཞིན་ལྷུན་གྲུབ་ངོ་བོ་མཚན་མེད་ལ།། མཚན་མ་ཐེག་པའི་ཁྱད་པར་སྣང་བ་འདི།། གང་ལ་གང་གིས་མིང་བཏགས་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ
128b2 ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། རང་བཞིན་ལྷུན་གྲུབ་མཚན་མ་མིང་མེད་དེ།། རང་བྱུང་རྩལ་གྱི་ཡན་ལག་གྲངས་མེད་ལ།། ཡན་ལག་རྩལ་གྱི་འཁོར་ལོ་ཡིད་གཡོས་པས།། དབང་པོ་རབ
128b3 འབྲིང་ཐ་མའི་ཁྱད་པར་གྱིས།། མུ་སྟེགས་ཉན་ཐོས་རང་རྒྱལ་ཐེག་པ་དང་།། རྣམ་རིག་དབུ་མ་ཀྲི་ཡ་ཨུ་པ་ཡ།། ཡོ་ག་མ་ཧཱ་ཡོ་གའི་ཐེག་པ་དང་།། ཨ་ནུ་ཡོ་གའི་ཐེག་པ་ཆེན་པོ་དང་།། ཨ་ཏི་ཡོ་གའི་ཐེག་པ་དོན་མཚོན
128b4 དང་།། མདོར་བསྡུས་མིང་བཏགས་འདི་རྣམས་སྣང་བའོ།། རིན་པོ་ཆེ་རྒྱས་པ་ཆེན་པོའི་མདོ་ལས།། ཐེག་པ་རྣམས་ཀྱི་མིང་བཏགས་སྣང་བའི་ལེའུ་སྟེ་བཅུ་གཉིས་པའོ།། ། སྡུད་པའི་གསང་བདག་རྡོ་རྗེ་སེམས་དཔའ
128b5 ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། མུ་སྟེགས་མཚན་མའི་ཐེག་པར་འཁྲུལ་པ་འདི།། འཁྲུལ་པའི་གཞི་དང་འཁྲུལ་པའི་འདྲ་གཞི་དང་།། འདྲ་གཞི་དེ་ལ་མུ་སྟེགས་ཐེག་པ་ཡིས།། གང་གིས་མིང་བཏགས
128b6 འཁྲུལ་པ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། ཆོས་སྐུ་རང་བྱུང་ཡེ་ཤེས་དབྱེར་མེད་འདི།། མུ་སྟེགས་ཐེག་པར་འཁྲུལ་པའི་གཞི་ཡང་ཡིན།། རང་བྱུང
iiif viewer powered by OpenSeadragon
