| e-texts navigator |
| Wylie |
128a1 ཤེས་མཐོང་བས་མ་རིག་གཏི་མུག་སྐྱེས།། སྐྱེས་པའི་གཏི་མུག་སྔོན་བཏང་གཙོར་གཟུང་བས།། གཟུང་བའི་བག་ཆགས་མང་པོ་མཐུ་བརྟས་པས།། བརྟས་པའི་བག་ཆགས་འགྲོ་བ་བྱོལ་སོང
128a2 སྣང་།། རྩལ་གྱི་ཡན་ལག་རྣམ་རྟོག་ཡང་སྐྱེས་དེ།། རྩལ་གྱི་ཡན་ལག་དངོས་པོར་སྣང་བ་ལ།། བརྟས་པས་རྩལ་གྱི་དངོས་པོ་ལོངས་སྤྱོད་མཐོང་།། མཐོང་བས་དེ་ལ་འཕངས་སྙམ་སེར་སྣ་སྐྱེས།། སྐྱེས་པའི་སེར་སྣ
128a3 སྔོན་བཏང་གཙོར་བཟུང་བས།། གཟུང་བའི་བག་ཆགས་མང་པོ་མཐུ་བརྟས་ཏེ།། བརྟས་པའི་བག་ཆགས་འགྲོ་བ་ཡི་དྭགས་གཟུགས།། རྩལ་གྱི་ཡན་ལག་རྣམ་རྟོག་ཡང་སྐྱེས་དེས།། རྩལ་གྱི་ཡན་ལག་དངོས་པོར
128a4 སྣང་བ་ལ།། བརྟས་པས་ངན་སྐྱེས་གནོད་པ་བྱེད་པར་མཐོང་།། མཐོང་བས་དེ་གནོད་སྙམ་ནས་ཞེ་སྡང་སྐྱེས།། སྐྱེས་པའི་ཞེ་སྡང་སྔོན་བཏང་གཙོར་བཟུང་བས།། གཟུང་བའི་བག་ཆགས་ངན་པ་མཐུ་བརྟས
128a5 པས།། འགྲོ་བ་དམྱལ་བའི་གཟུགས་དང་སྣོད་དུ་སྣང་བའོ།། དེ་ལྟར་འཇིག་རྟེན་ཁམས་ནི་གྲངས་མེད་ན།། འགྲོ་བ་རིགས་དྲུག་འཁྲུལ་ནས་དེ་བཞིན་སྣང་།། སྣང་བའི་འདྲ་མཐུན་བག་ཆགས་འཁྲུལ་པའོ།། རིན་པོ
128a6 ཆེ་རྒྱས་པ་ཆེན་པོའི་མདོ་ལས། ཁམས་གསུམ་འགྲོ་དྲུག་རིགས་མཐུན་དངོས་པོར་སྣང་བ་ལ་མིང་གི་བག་ཆགས་བརྟས་པ་སྣང་བའི་ལེའུ་སྟེ་བཅུ་གཅིག་པའོ།། །། སྡུད་པའི་གསང་བདག་རྡོ་རྗེ་སེམས་དཔའ
iiif viewer powered by OpenSeadragon
