| e-texts navigator |
| Wylie |
124a1 སྣང་།། ཡན་ལག་མི་འགྱུར་གསལ་བ་སེར་པོར་གཟུང་།། བཟུང་བས་མིང་གི་བག་ཆགས་སེར་པོར་སྣང་།། ཡན་ལག་གཡོ་ཞིང་འགུལ་བ་ལྗང་ཁུར་གཟུང་།། བཟུང་བས་མིང་གི་གྲིབ་མས་ལྗང་ཁུར
124a2 སྣང་།། དེ་ལྟར་ཡན་ལག་བག་ཆགས་བརྟས་སྣང་ལ།། ལ་ལ་གནོད་མཐོང་ལ་ལ་བྱམས་པར་མཐོང་།། མཐོང་བས་མིང་གི་བག་ཆགས་གནོད་བྱམས་སྣང་།། བཟང་མཐོང་དེ་ལ་ཞེ་སྡང་ཆགས་པ་སྐྱེས།། ངན་མཐོང
124a3 དེ་ལ་ང་རྒྱལ་དྲེགས་པ་སྐྱེས།། མཉམ་མཐོང་འདྲ་བ་དེ་ལ་ཕྲག་དོགས་སྐྱེས།། སྐྱེས་པའི་བག་ཆགས་བཟང་ངན་མཐོང་བ་དེ།། དགེ་སྡིག་སྤྱད་པའི་དབང་ལས་བྱུང་བར་གཟུང་།། བཟུང་བའི་གྲིབ་མ་དགེ་སྡིག་གཉིས
124a4 སུ་སྣང་།། དེ་ལྟར་རང་གི་བག་ཆགས་སྣ་ཚོགས་པས།། རང་བྱུང་ཆོས་སྐུ་གསལ་གདངས་ངང་ཉིད་དུ།། སོ་སོར་རང་རང་གསལ་བར་མཐོང་བར་སྣང་།། དེ་ལྟར་གཟུགས་བརྙན་ཁ་མིག་རྣ་ལ་སོགས།། མཚན་དང
124a5 དཔེ་བྱད་རྒྱན་དང་ལྡན་པ་ཡིན།། འོད་ཀྱི་རང་བཞིན་ལོངས་སྤྱོད་རྫོགས་སྐུར་གཟུང་།། སྐུ་ཡི་ལོངས་སྤྱོད་འོད་ཀྱི་འདོད་ཡོན་སྤྱོད།། རང་བྱུང་རྩལ་གྱི་ཡན་ལག་གཡོས་པ་ལ།། རྩལ་གྱི་ཡན་ལག་འཁོར་ལོ་གསུམ
124a6 སྐྱེས་པས།། ཡོད་མིན་མེད་མིན་སེམས་ཀྱི་རིགས་མཐུན་གཟུང་།། གཟུང་བའི་རིགས་མཐུན་སེམས་ཅན་སྐྱེས་ཤིང་མཆེད།། སྐྱེས་ཤིང་མཆེད་པའི་སེམས་ཅན་དེ་རྣམས་ལ།། ཡོད་མིན་མེད་མིན་སྐྱེ་མཆེད་མིང་དུ
iiif viewer powered by OpenSeadragon
