| e-texts navigator |
| Wylie |
123b1 ལྟར་ཡན་ལག་ཆོས་ཉིད་དང་སོང་བས།། ན་བ་འཆི་དང་གཉིད་དང་ཉི་མ་ནུབ།། ས་སྲོད་པ་ཡི་རྣམ་པར་མཐོང་བར་སྣང་།། ཡན་ལག་ཤེས་པ་སླར་ཡང་ལངས་པ་དེ།། སྐྱེས་དང་གཉིད་སད་ནམ་ལངས་ཉི་ཤར
123b2 མཐོང་།། ཡན་ལག་རྩལ་གྱི་འབྱུང་བའི་འོད་སྣང་དང་།། རྩལ་གྱི་ཡན་ལག་རིག་པར་སྐྱེས་པ་དེ།། རང་གསལ་མི་རྟོག་ངང་སོང་ནུབ་ཏུ་གཟུང་།། བཟུང་བས་མིང་གི་བག་ཆགས་ནུབ་ཏུ་སྣང་།། རྩལ་གྱི་ཡན་ལག་བྱུང
123b3 བ་ཤར་དུ་གཟུང་།། བཟུང་བས་མིང་གི་གྲིབ་མས་ཤར་དུ་སྣང་།། ཡན་ལག་རྒྱ་མ་ཆད་པ་ལྷོ་རུ་གཟུང་།། བཟུང་བས་མིང་གི་གྲིབ་མས་ལྷོ་རུ་སྣང་།། ཡན་ལག་གཡོ་མེད་མི་གཡོ་བྱང་དུ་གཟུང་།། བཟུང་བས་མིང་གི
123b4 བག་ཆགས་བྱང་དུ་སྣང་།། ཡན་ལག་འགྱུར་མེད་མི་འགྱུར་དབུས་མཚམས་གཟུང་།། བཟུང་བས་མིང་གི་བག་ཆགས་གྲིབ་མས་དབུས་མཚམས་སྣང་།། དེ་ལྟར་མིང་བརྟས་ཕྱོགས་དང་རིས་སུ་སྣང་།། ཡན་ལག
123b5 རིགས་མཐུན་འདྲ་མཐུན་འདུས་པ་ལ།། ཁ་དོག་རྣམས་ཀྱི་མིང་མེད་མིང་བཏགས་པ།། དེ་ནས་ཡན་ལག་ལོག་རྟོག་ཡང་སྐྱེས་པས།། ཡན་ལག་རང་གསལ་ཁ་དོག་དཀར་པོར་གཟུང་།། བཟུང་བའི་མིང་གི་གྲིབ་མས
123b6 དཀར་པོར་སྣང་།། ཡན་ལག་རང་གསལ་མི་གཡོ་སྔོན་པོར་གཟུང་།། བཟུང་བས་མིང་གི་བག་ཆགས་སྔོན་པོར་སྣང་།། ཡན་ལག་རྒྱ་མ་ཆད་པས་དམར་པོར་གཟུང་།། བཟུང་བས་མིང་གི་བག་ཆགས་དམར་པོར
iiif viewer powered by OpenSeadragon
