| e-texts navigator |
| Wylie |
123a1 མིང་གི་བག་ཆགས་ཡིད་དུ་སྣང་།། སྣང་བའི་འོད་རྣམས་ཁ་དོག་གཅིག་ཏུ་འདུས།། འདུས་པའི་བག་ཆགས་བརྟས་པས་གཟུགས་སུ་གཟུང་།། གཟུང་བས་མིང་གི་བག་ཆགས་གཟུགས་སུ་སྣང་།། སྣང
123a2 བ་དེ་ལ་གཅིག་ཏུ་འདུས་པ་ལ།། ཕུང་པོ་ལྔ་ཡི་མིང་བཏགས་བརྟས་པ་ལས།། ཕོ་མོའི་ཆ་གཟུང་འོད་ཀྱི་གཟུགས་སུ་བྱུང་།། རང་རང་བག་ཆགས་ཇི་ལྟར་བརྟས་མཐོང་སྟེ།། རང་རང་ལུས་ལ་བཟང་དང་ངན་པར
123a3 མཐོང་།། ལ་ལས་ཆེར་མཐོང་ལ་ལས་ཆུང་བར་མཐོང་།། ལ་ལས་རིང་མཐོང་ལ་ལས་ཐུང་བར་མཐོང་།། ལ་ལས་ཟླུམ་མཐོང་ལ་ལས་སྤྲད་པར་མཐོང་།། མཐོང་བའི་དབང་གིས་རང་རང་ལུས་སུ་བྱུང་།། བྱུང་བའི
123a4 རྐྱེན་གྱིས་བླང་དང་ལེན་པར་མཐོང་།། མཐོང་བའི་རྐྱེན་གྱིས་བླང་དང་ལེན་པ་བྱས།། ལེན་པའི་དབང་གིས་འདོད་ཅིང་ཆགས་ཚུལ་སྤྱད།། སྤྱད་པའི་རྐྱེན་གྱིས་རང་བྱུང་ཡན་ལག་གི། རིག་པ་གཞན་རིག་འཁྲུལ་ནས
123a5 དེ་བྱུང་སྟེ།། དེ་བྱུང་དེ་ཡང་གོང་བཞིན་བརྟས་པ་དེ།། སྲིད་པ་སྤྱད་ལས་འབྱུང་སྙམ་བུར་གཟུང་སྐྱེས།། སྐྱེས་པའི་རྐྱེན་གྱིས་བུར་གཟུང་འཁྲུལ་པ་དེ།། ཆོས་ཉིད་བརླན་གྱིས་མྱལ་མྱལ་སོང་བ་ལ།། སྐྱེས་པ་དེ་རྒས་སྙམ
123a6 ནས་རྒས་པར་གཟུང་།། བཟུང་བས་མིང་གི་གྲིབ་མས་རྒྱས་པར་སྣང་།། ཆོས་ཉིད་ངང་ལས་ཐབས་གཅིག་ལྡན་སོང་བས།། ཤི་བ་ཡིན་སྙམ་ཤི་བ་ཡིན་པར་གཟུང་།། བཟུང་བས་མིང་གི་གྲིབ་མས་ཤི་བར་སྣང་།། དེ
iiif viewer powered by OpenSeadragon
