| e-texts navigator |
| Wylie |
122b1 མིང་དང་འདོད་པའི་ཡོན་ཏན་ལྔའི་མིང་བཏགས་པ་སྣང་བའི་ལེའུ་སྟེ་བཅུ་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཕུང་པོ་ལྔ་དང་རྟེན་འབྲེལ
122b2 ལས་བྱུང་བའི།། གཟུགས་ཀྱི་ཁྱད་པར་དབྱིབས་སུ་སྣང་བ་དང་།། ཕྱོགས་མཚམས་ཁ་དོག་མཚན་མ་སྣ་ཚོགས་དང་།། ཁམས་གསུམ་འགྲོ་དྲུག་རིགས་མཐུན་འདི།། འདྲ་མཐུན་མོས་མཐུན་མིང་གི་བག་ཆགས་ཇི་ལྟ།
122b3 བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། རྩལ་གྱི་རིག་མེད་རིག་མ་སྐྱེས་པ་ལ།། ཡུལ་ལྔའི་བག་ཆགས་བརྟས་ནས་སྣང་བ་ཡིས།། རང་བྱུང་ཡན་ལག་རིག་པར
122b4 སྐྱེས་པ་དེས།། ཡུལ་ལྔ་དེ་ལ་རིག་པས་རེག་པ་ཡིས།། རེག་པས་ཚོར་ཏེ་ཉམས་སུ་མྱོང་བ་དེ།། ཚོར་བ་ཡིན་སྙམ་ཚོར་བ་ཡིན་པར་གཟུང་།། བཟུང་བས་མིང་གི་བག་ཆགས་ཚོར་བར་སྣང་།། རང་གི་ཡན་ལག་ཚོར
122b5 བར་སྣང་བ་དེས།། དེ་ལ་འདོད་པ་སྐྱེས་ཏེ་ཆེ་ཆུང་ངུ།། མཐོང་བས་འདུ་ཤེས་ཡིན་སྙམ་འདུ་ཤེས་སུ།། བཟུང་བས་མིང་གི་བག་ཆགས་འདུ་ཤེས་སྣང་།། སྣང་བ་དེ་ལ་བླང་བའི་ཤེས་པ་སྐྱེས།། རྣམ་པ་སྣ་ཚོགས་འདུ
122b6 བར་སྤྱོད་སྐྱེས་པས།། འདུ་ཞིང་བྱེད་འདུག་སྙམ་དེ་འདུ་བྱེད་དུ།། བཟུང་བས་མིང་གི་བག་ཆགས་འདུ་བྱེད་སྣང་།། སྣང་བ་ཀུན་ལ་དབང་བྱེད་བདག་ཏུ་སྣང་།། འདི་ཡིན་སྙམ་སྟེ་ཡིད་དུ་གཟུང་བ་ཡིས།། བཟུང་བས
iiif viewer powered by OpenSeadragon
