| e-texts navigator |
| Wylie |
121b1 ལངས་པ་དེས།། འདོད་པའི་ཆགས་པ་ཟིན་པ་ཡིན་པར་མཐོང་།། དེ་ལྟར་འདོད་པའི་ཆགས་པས་འདོད་ཆགས་སུ།། གཟུང་བའི་མིང་གིས་འདོད་ཆགས་བརྟས་སྣང་བའོ།། དེ་ཡི་ངང་ལས་རང་བྱུང་ཡན་ལག
121b2 གི།། ཆོས་སྐུ་ཡེ་ཤེས་གཉིས་མེད་གནས་པ་ལ།། ཡན་ལག་རིགས་སྐྱེས་འཁོར་ལོ་གསུམ་གཡོས་པས།། རང་འབྱུང་རིག་མ་སྐྱེས་པའི་རིག་པ་དེ།། ཕོ་གཞན་མཐོང་སྟེ་ཕོར་གཟུང་ཕོར་སྣང་དེས།། གཉིས་མེད་མི་རྟོག
121b3 དགའ་བའི་བདེ་བ་དེ།། དེས་སྤྱད་སྙམ་ནས་དེ་ལ་ཞེ་སྡང་སྐྱེ།། སྐྱེས་པའི་བག་ཆགས་ཞེ་སྡང་བརྟས་སྣང་བའོ།། དེ་ནས་རང་གི་ལོག་རྟོག་འགྲིབ་མ་དེས།། ཅུང་ཟད་སྙིང་པོའི་མིང་གིས་བསྒྲིབས་པ་ཡིས།། བསྒྲིབས
121b4 པས་མཉམ་པོར་མཐོང་བས་ཕྲག་དོགས་སྐྱེས།། སྐྱེས་པའི་བག་ཆགས་ཕྲག་དོགས་བརྟས་སྣང་བའོ།། དེ་ནས་རང་ཡང་མིང་གི་གྲིབ་མ་དེ།། ཡན་ལག་རྩལ་དེ་ཤིན་ཏུ་འགྲིབས་པ་ཡི།། གཞན་པས་བདག་དབང་ཆེ།
121b5 སྙམ་ང་རྒྱལ་སྐྱེས།། སྐྱེས་པའི་བག་ཆགས་ང་རྒྱལ་བརྟས་སྣང་བའོ།། དེ་ལྟར་ཡན་ལག་རྩལ་གྱི་རིག་པ་དེས།། ལོག་པར་རིག་པའི་བག་ཆགས་བརྟས་པ་ལ།། ལོག་པར་རིག་པའི་མིང་གི་བག་ཆགས་བརྟས།། བརྟས
121b6 པའི་བག་ཆགས་མ་རིག་འཁྲུལ་སྣང་བའོ།། དེ་ལྟར་ཉོན་མོངས་རྣམ་ལྔའི་བག་ཆགས་དེ།། ཡན་ལག་རིག་སྐྱེས་རང་ལ་བག་ཆགས་བསྒོམ།། བསྒོམས་པའི་བག་ཆགས་ཉོན་མོངས་སྣང་བའོ།། ཡན་ལག་འདོད
iiif viewer powered by OpenSeadragon
