| e-texts navigator |
| Wylie |
120a1 པའི་གསང་བདག་རྡོ་རྗེ་སེམས་དཔའ་ལ།། རང་བཞིན་ལྷུན་གྲུབ་ནམ་མཁའ་མིང་མེད་འདི།། ཆོས་སྐུ་རང་བྱུང་ཡེ་ཤེས་དབྱེར་མེད་དེ།། དངོས་པོ་མཚན་མར་འཁྲུལ་པའི་ཀུན་གཞི་ཡིན།། རང་བྱུང
120a2 རྩལ་གྱི་ཡན་ལག་གཡོས་པ་དེ།། དངོས་པོ་མཚན་མར་འཁྲུལ་པའི་འདྲ་གཞི་སྟེ།། འཁྲུལ་པའི་འདྲ་གཞི་ལ་ཡང་རྣམ་པ་གསུམ།། འབྱུང་བ་རང་ཡང་འཁྲུལ་པའི་འདྲ་གཞི་དང་།། བྱུང་བས་བྱས་པས་བྱུང་བའི་འདྲ་གཞི
120a3 དང་།། རིགས་མཐུན་མོས་མཐུན་མིང་གི་འདྲ་གཞིའོ།། བྱུང་བ་རང་ཡང་འཁྲུལ་པའི་འདྲ་གཞི་ནི།། རང་བྱུང་ཡན་ལག་གྲངས་མེད་བྱུང་བ་ལ།། འདྲ་མཐུན་རིགས་མཐུན་འདྲ་བ་འདུས་པ་སྟེ།། རྒྱུ་རྐྱེན་དུས་དང་མི
120a4 འགགས་འཁྲུལ་པའོ།། བྱུང་བས་བྱས་པས་བྱུང་བའི་འདྲ་གཞི་ནི།། ཇི་ལྟར་རང་གིས་གང་ལྟར་འདོད་པ་བཞིན།། སྙིང་པོའི་ནང་དུ་དེ་ལྟར་བྱུང་བའོ།། རིགས་མཐུན་མོས་མཐུན་མིང་གི་འདྲ་གཞི་ནི།། འདྲ་གཞི་དེ་ལ
120a5 འཁོར་ལོ་རྣམ་གསུམ་གྱིས།། མིང་གི་ཡན་ལག་རང་རང་རིགས་མཐུན་པའི།། འདྲ་མཐུན་རིགས་མཐུན་མིང་བཏགས་འདྲ་བའོ།། རིགས་མཐུན་དག་ལ་འབྱུང་བ་རྣམ་ལྔ་ཡི།། མིང་གི་བག་ཆགས་བརྟས་ནས་སྣང་བ
120a6 སྟེ།། ནམ་མཁའ་འདྲ་མཐུན་རིགས་མཐུན་མིང་མེད་ལ།། ནམ་མཁའ་རིགས་མཐུན་མིང་བཏགས་སྣང་བ་ནི།། རང་བྱུང་སྙིང་པོ་ཡན་ལག་རང་གསལ་ལ།། སང་སང་མིང་དང་སེང་སེང་གསལ་བ་དང་།། གདངས
iiif viewer powered by OpenSeadragon
