| e-texts navigator |
| Wylie |
118b1 བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། རང་བཞིན་ལྷུན་གྲུབ་དངོས་གྲུབ་དངོས་པོ་མིང་མེད་ལ།། དངོས་པོ་འཁོར་སྣང་མིང་སྣང་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ
118b2 དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། རང་བཞིན་རྩལ་གྱི་ཡན་ལག་གྲངས་མེད་དོ།། དངོས་པོ་འཁོར་བར་སྣང་དང་མི་སྣང་ནི།། ཕྱི་ནང་སྣོད་བཅུད་དངོས་མེད་དངོས་སྣང་དང་།། འབྱུང་བ་ལྔ་པོ
118b3 དངོས་མེད་དངོས་སྣང་དང་།། ཉོན་མོངས་རྣམ་ལྔ་དངོས་མེད་དངོས་སྣང་དང་།། དབང་པོ་རྣམ་ལྔ་དངོས་མེད་དངོས་སྣང་དང་།། འདོད་ཡོན་ལྔ་པོ་དངོས་མེད་དངོས་སྣང་དང་།། ཕུང་ལྔ་དངོས་མེད་དངོས་པོར་སྣང་བ
118b4 དང་། ཁ་དོག་རྣམ་ལྔ་དངོས་མེད་དངོས་སྣང་དང་།། དབྱིབས་ཀྱི་བྱེ་བྲག་དངོས་མེད་དངོས་སྣང་དང་།། ཕོ་མོ་མ་ནིང་དངོས་མེད་དངོས་སྣང་དང་།། ཕྱོགས་མཚམས་དངོས་མེད་དངོས་པོར་སྣང་བ་དང་།། ཉིན་མཚན
118b5 དངོས་མེད་དངོས་པོར་སྣང་བ་དང་།། ཉི་ཟླ་གཟའ་སྐར་དངོས་མེད་དངོས་སྣང་དང་།། འགྲོ་བ་རིགས་དྲུག་དངོས་མེད་དངོས་སྣང་དང་།། རི་རབ་གླིང་བཞི་དངོས་མེད་དངོས་སྣང་དང་།། རིན་ཆེན་སྣ་ལྔ་དངོས་མེད
118b6 དངོས་སྣང་དང་།། རྩི་ཤིང་ནགས་ཚལ་དངོས་མེད་དངོས་སྣང་དང་།། ལོངས་སྤྱོད་སྣ་ཚོགས་དངོས་མེད་དངོས་སྣང་དང་།། ཡན་ལག་རྩལ་རྣམས་དངོས་པོར་བྱུང་བ་ལ།། རྩལ་གྱིས་མིང་བཏགས་བག་ཆགས་བརྟས
iiif viewer powered by OpenSeadragon
