| e-texts navigator |
| Wylie |
117b1 བཏགས་པའོ།། རིན་པོ་ཆེ་རྒྱས་པ་ཆེན་པོའི་མདོ་ལས།། ཆོས་ཀྱི་སྐུ་དང་རང་བྱུང་ཡེ་ཤེས་གཉིས།། དབྱེར་མེད་རང་སྣང་བའི་ལེའུ་སྟེ་ལྔ་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན
117b2 པ་ཀུན་ཏུ་བཟང་པོ་ལ།། དངོས་པོ་མཚན་མ་རྣམས་ཀྱི་གཞི་ཉིད་དང་།། ཆོས་རྣམས་ཐམས་ཅད་འབྱུང་བའི་རྩ་བ་གང་།། གང་ལས་བྱུང་དང་ཇི་ལྟར་འབྱུང་བའི་གྲངས།། འབྱུང་བའི་རྩལ་རྣམས་ཇི་ལྟར་སྣང་བ
117b3 དང་།། སྣང་བའི་ཆོས་ལ་མིང་རྣམས་ཇི་ལྟར་བཏགས།། བརྟས་པའི་སྣོད་བཅུད་མཚན་མ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་བདག་རྡོ་རྗེ་སེམས་དཔའ་ལ།། ཆོས་སྐུ་རིག་པ་རང
117b4 བཞིན་སྐྱེ་བ་མེད་པ་དང་།། རང་བྱུང་ཡེ་ཤེས་རང་རིག་མ་སྐྱེས་གཉིས།། གཅིག་དང་ཐ་དད་དག་ལས་གྲོལ་བར་གནས།། དངོས་པོ་མཚན་མ་ཀུན་གྱི་གཞི་ཉིད་དེ།། གཞི་རྩ་མེད་པའི་ཆོས་ཉིད་ཆོས་དབྱིངས
117b5 འདི།། ཆོས་རྣམས་ཐམས་ཅད་འབྱུང་བའི་རྩ་བ་ཡིན།། རང་བྱུང་ཡེ་ཤེས་ཡན་ལག་ཟེར་ཕྲ་མོ།། གཡོ་མི་གཡོ་ལས་ཕྲ་རབ་ཟེར་གཡོས་པས།། ཟེར་གྱི་རང་བཞིན་མ་འགགས་དབྱེར་མེད་དང་།། དབྱེར་མེད་ངང་ལས
117b6 བྱུང་བའི་ཡེ་ཤེས་འབྱུང་།། འབྱུང་བའི་ཡེ་ཤེས་ཡན་ལག་དྲུག་འབྱུང་སྟེ།། གང་ལས་གང་དང་ཚད་ཅི་གང་གིས་སྒོ།། ཇི་ལྟར་བྱུང་ནས་འབྱུང་བ་ཅིར་འབྱུང་བའོ།། ཅིར་འབྱུང་དེ་ནི་རྩལ་ཤུགས་ལྔར་འབྱུང་སྟེ།། རིག
iiif viewer powered by OpenSeadragon
