| e-texts navigator |
| Wylie |
115a1 གཅིག་སྟེ་ནམ་མཁའ་ཉིད་ཀྱི་ངང་།། གཅིག་དང་ཐ་དད་དག་ལས་གྲོལ་བར་གནས།། ཆོས་སྐུ་རིག་མེད་གཏད་པ་མེད་པ་དང་།། རང་བྱུང་ཡེ་ཤེས་རང་རིག་མ་གཏད་གཉིས།། དབྱེར་མེད་གཅིག་སྟེ
115a2 ནམ་མཁའ་ཉིད་ཀྱི་ངང་།། གཅིག་དང་ཐ་དད་དག་ལས་གྲོལ་བར་གནས།། ཆོས་སྐུ་རིག་མེད་དར་བ་མེད་པ་དང་།། རང་བྱུང་ཡེ་ཤེས་རང་རིག་མ་དར་གཉིས།། དབྱེར་མེད་གཅིག་སྟེ་ནམ་མཁའ་ཉིད་ཀྱི
115a3 ངདང་།། གཅིག་དང་ཐ་དད་དག་ལས་གྲོལ་བར་གནས།། ཆོས་སྐུ་རིག་མེད་རྒུད་པ་མེད་པ་དང་།། རང་བྱུང་ཡེ་ཤེས་རང་རིག་མི་རྒུད་གཉིས།། དབྱེར་མེད་གཅིག་སྟེ་ནམ་མཁའ་ཉིད་ཀྱི་ངང་།། གཅིག་དང་ཐ་དད་དག
115a4 ལས་གྲོལ་བར་གནས།། ཆོས་སྐུ་རིག་མེད་ཆུད་པ་མེད་པ་དང་།། རང་བྱུང་ཡེ་ཤེས་རང་རིག་མ་ཆུད་གཉིས།། དབྱེར་མེད་གཅིག་སྟེ་ནམ་མཁའ་ཉིད་ཀྱི་ངང་།། གཅིག་དང་ཐ་དད་དག་ལས་གྲོལ་བར་གནས།། ཆོས
115a5 སྐུ་རིག་མེད་དཀྲུགས་པ་མེད་པ་དང་།། རང་བྱུང་ཡེ་ཤེས་རང་རིག་མ་དཀྲུགས་གཉིས།། དབྱེར་མེད་གཅིག་སྟེ་ནམ་མཁའ་ཉིད་ཀྱི་ངང་།། གཅིག་དང་ཐ་དད་དག་ལས་གྲོལ་བར་གནས།། ཆོས་སྐུ་རིག་མེད་རྫུན་པ
115a6 མེད་པ་དང་།། རང་བྱུང་ཡེ་ཤེས་རང་རིག་མི་རྫུན་གཉིས།། དབྱེར་མེད་གཅིག་སྟེ་ནམ་མཁའ་ཉིད་ཀྱི་ངང་།། གཅིག་དང་ཐ་དད་དག་ལས་གྲོལ་བར་གནས།། ཆོས་སྐུ་རིག་མེད་འདྲེས་པ་མེད་པ་དང་།། རང་བྱུང་ཡེ
iiif viewer powered by OpenSeadragon
