| e-texts navigator |
| Wylie |
91a1 ཅད་བདག་ཉིད་ཆེན་པོར་ངེས།། ངེས་པ་རྙེད་ནས་འགྱུར་མི་སྲིད།། གང་ཕྱིར་བདེ་ཆེན་མྱོང་འདོད་པས།། མ་བཅོས་མ་བརྟགས་མ་ཡེངས་པ།། གསལ་བ་བཞི་ལྡན་རྣལ་འབྱོར་པས།། གཞག
91a2 པའི་ཐབས་སུ་ཤེས་པར་བྱ།། བྱུང་ཚོར་རྟོག་པ་རྐུན་བུ་དང་།། ཆེད་དུ་བྱས་དང་ཤུགས་ལས་བྱུང་།། རང་ལས་བྱུང་སྟེ་ངོ་བོ་སྟོང་།། བྱུང་ཚོར་ཚོར་བ་གདེང་གིས་ཞི།། བསམ་དུ་མེད་པའི་རང་བཞིན་ནི།། བསམ་པས
91a3 ཅི་བསམ་རྟོག་པའི་རྒྱུན།། བསམ་དུ་མེད་དང་གཞན་མེད་དང་།། འགལ་ཕྱིར་ཅི་ཡང་མི་བསམ་མོ།། སོམས་ཤིག་བསམས་པ་མ་བྱེད་ཅིག། མ་ཆགས་པ་ལ་ཆགས་པ་མེད།། ཆགས་པ་ལ་ཡང་ཆགས་པ་མེད།། ཆུ་ལ
91a4 རི་མོ་བྲིས་པ་ལྟར།། གསལ་བར་བྱུང་ཡང་དམིགས་དང་བྲལ།། སངས་རྒྱས་མ་ལུས་ཀུན་འདུས་པས།། མཐའ་ཐུག་མེད་པའི་ཆོས་བསྟན་ནས།། སོ་སོར་འཚམ་པ་འདུལ་མོད་ཀྱང་།། ངེས་པའི་དོན་ལ་གཅིག་ལས
91a5 མེད།། མཁའ་མཉམ་ཀློང་དུ་ཀུན་འདུས་པས།། གཉིས་པར་བསམ་པ་ཡེ་ནས་མེད།། གཅིག་ཏུ་བསམ་དུ་མེད་པ་ཉིད།། མི་བསམ་པ་ཉིད་བསམ་པའི་མཐའ།། ཡི་གེ་མེད་པའི་རྒྱུད་ལས་ནི།། ཇི་ལྟར་འཐུན་པ་དེ
91a6 ལྟར་གྲགས། ཁ་དོག་རིགས་བརྒྱུད་ཀུན་བྲལ་བ།། ཡི་གེའི་མཐའ་རུ་ཅི་སྟེ་རུང་།། གང་ཞིག་མེད་པ་ཉིད་ཡོད་ཅེས།། བྱིས་པ་སྒྲོ་སྐུར་གཉིས་ཀར་འདོད།། ཡེ་ཤེས་མཐའ་བྲལ་སྟོང་ཉིད་ལ།། ཡོད་དམ་མེད་ཅེས་ཅི
iiif viewer powered by OpenSeadragon
