| e-texts navigator |
| Wylie |
90b1 དབུས་འཛིན་མཐའ།། དེ་ལྟར་བརྟགས་པས་དབུས་མི་རྙེད།། དབུས་འདོད་མཐའ་དང་བྲལ་མི་སྲིད།། མཐའ་དབུས་ཀློང་དུ་ངེས་པར་འདུས།། སེམས་ཀྱིས་སེམས་ཚོལ་ཅི་ཞིག་རྙེད།། སེམས་དེ་རྙེད
90b2 ན་འཁྲུལ་པའི་ལམ།། འཁྲུལ་པར་མཐོང་ཉིད་འཁྲུལ་པ་སྟེ།། མ་འཁྲུལ་པ་ཡང་འཁྲུལ་པའི་ཆོས།། ངེས་པར་ཀློང་གི་དོན་བརྟགས་ན།། འཁྲུལ་རྒྱུ་མེད་པས་འཁྲུལ་པ་མེད།། སེམས་ལ་དམིགས
90b3 མེད་སྤྱད་དུ་མེད།། དབུས་ལ་མི་གནས་མཐའ་མི་སྤོང་།། མི་རྟོག་མི་གནས་ཅིར་མི་བསམ།། མི་བསམ་མི་འབྲང་ངང་གིས་ཞི།། སེམས་ཀྱི་ཀློང་ལ་བདག་གཞན་མེད།། ཏིང་འཛིན་ཀློང་ལ་ཡེངས་པ
90b4 མེད།། སྤྱོད་པའི་ཀློང་ལ་སྤང་བླང་མེད།། མཉམ་ཉིད་ཀློང་ལ་ཆེ་ཆུང་མེད།། ཐིག་ལེའི་ཀློང་ལ་སྤྲོ་བསྡུ་མེད།། ལྟ་བའི་ཀློང་ལ་གཟའ་གཏད་མེད།། འཕྲིན་ལས་ཀློང་ལ་བྱ་བཙལ་མེད།། རྟོགས་པའི་ཀློང་ལ
90b5 གཟུང་འཛིན་མེད།། ཀུན་ཀྱང་ཡེ་ཤེས་ཆེན་པོའི་ཀློང་།། ཀློང་ཡངས་ནམ་མཁའི་རང་བཞིན་ལ།། སྤྲུལ་པའི་ཆོ་འཕྲུལ་གང་བྱུང་བ།། དེ་ཉིད་ཡེ་ཤེས་ཆེན་པོར་རྟོགས།། ལྟ་བའི་ངོ་བོ་བརྗོད་དུ་མེད།། ཏིང
90b6 འཛིན་གསལ་ལ་ཡེངས་པ་མེད།། སྤྱོད་པ་འཛིན་དང་ཆགས་པ་མེད།། དེ་ལྟར་སུས་རྟོགས་སངས་རྒྱས་ཡིན།། འགྲོ་དྲུག་སངས་རྒྱས་ཡིན་པར་ངེས།། རང་སེམས་བཙལ་མེད་ཆོས་སྐུར་ངེས།། ཐམས
iiif viewer powered by OpenSeadragon
