| e-texts navigator |
| Wylie |
90a1 འབྱུང་།། སེམས་ཀྱི་ཀློང་ལས་ཅི་ཡང་སྣང་།། མཉམ་ཉིད་ངང་ལས་འདོད་དགུར་བསྒྱུར།། མ་བཅོས་མ་ཡེངས་གནས་པ་གསུམ།། དེ་ཉིད་རྣམ་པར་རྟོག་པ་ཡིན།། གང་ཡང་མ་ཡིན་དེ་བཞིན
90a2 ཉིད།། ཇི་སྲིད་མཚན་མ་གཡོ་བ་ཀུན།། རང་བྱུང་སེམས་ཀྱི་ཀློང་བརྡལ་བས།། ཡེ་ཤེས་ཉིད་ལ་ཉིད་སྤྱོད་དེ།། བཅོས་པ་མེད་དེ་ཡེ་ཤེས་ཀློང་།། དམྱལ་བའི་སྡུག་བསྔལ་ཅི་མཐོང་ཡང་།། ཡེ་ཤེས
90a3 རོལ་བ་ཉིད་ཡིན་ན།། བདེ་སྡུག་མཚན་མ་ཅི་བྱུང་ཡང་།། སྨོས་ཅི་དགོས་ཏེ་དེ་ཉིད་ཡིན།། ཐམས་ཅད་སྣང་ན་སྣང་དུ་ཟད།། ཡེ་ཤེས་རོལ་བ་མ་འགགས་པའོ།། ཀུན་ཀྱང་སྟོང་ན་སྟོང་དུ་ཟད།། རྟག
90a4 པའི་ངོ་བོ་ཡེ་ནས་མེད།། རྟག་ན་རྟག་སྟེ་ཆོས་ཀྱི་དབྱིངས།། འགྱུར་བ་མེད་པའི་ལྷུན་ལ་གནས།། ཆད་ན་ཆད་དེ་ཆད་དང་བྲལ།། བྱང་ཆུབ་ཉིད་དེ་ལོག་རྒྱུན་ཆད།། ཀུན་ཀྱང་རང་བཞིན་ཡེ་ཤེས
90a5 ཀློསློང་།། ཀློང་ལས་མ་བྱུང་ཆོས་མེད་ཅིང་།། ཀློང་ཉིད་མ་ཡིན་གཅིག་ཀྱང་མེད།། ཀློང་དུ་མ་འདུས་གང་ཡང་མེད། དེ་ཕྱིར་རང་བྱུང་བཅོས་མེད་ཀློང་།། ཀློང་གིས་ཀློང་གི་དོན་རྟོགས་པས།། ཀློང་ལ་སྐྱེ
90a6 ཤི་འདུ་འབྲལ་མེད།། ཀློང་ལ་ཡེངས་མེད་བསྒོམ་པའང་མེད།། ཀློང་ལ་བགྲོད་མེད་བཙལ་དུ་མེད།། མ་བཅོས་བྱང་ཆུབ་སྙིང་པོ་ལ།། གང་ལྟར་བརྟགས་པས་ཚིག་གི་མཐའ།། མཐར་རྟོག་མཐའ་སྟེ།
iiif viewer powered by OpenSeadragon
