| e-texts navigator |
| Wylie |
89a1 གདོད་བཙལ་མེད།། ཀུན་མཁྱེན་ཉིད་པས་བསྒྲིབས་དང་བྲལ།། རང་བྱུང་ཉིད་པས་གཞན་པ་མེད།། མཉམ་ཉིད་མཁའ་ལྟར་གནས་པའི་དོན།། ཐིག་ལེ་གཅིག་པས་སྤྲོ་བསྡུ་བྲལ།། སྐྱེ་ཤི་མེད་པས
89a2 རྟག་ཆེན་པོ།། ཟླུམས་དང་ཆ་ཤས་མེད་པ་དང་།། ཀུན་ཏུ་བརྡལ་དང་མ་ནོར་དང་།། མ་བཅོས་གཅིག་གི་ངང་གནས་པས།། ཐིག་ལེ་ཆེན་པོ་མཉམ་ཉིད་ཀློང་།། མཁའ་ལ་ཉི་མ་འབུམ་བརྡལ་ཞིང་།། འཁོར་བའི་མུན
89a3 པ་དུས་གཅིག་འཇོམས།། ཀུན་གསལ་མེ་ལོང་འོད་པོ་ཆེ།། རང་ལས་རང་གསལ་རང་གི་ངང་། ཁྱབ་བརྡལ་རྡོ་རྗེ་སེམས་དཔའི་མཆོག། ཟླ་བ་དྲི་མེད་ཞལ་མངའ་ཞིང་།། ནམ་མཁའ་ཀློང་ཡངས་ཀུན་གྱི་བླ།། འདི་ནི
89a4 རང་བྱུང་ཡེ་ཤེས་ཏེ།། ཀུན་བཟང་རྡོ་རྗེ་སེམས་དཔས་བཤད།། ཅེས་གསུངས་སོ།། བྱང་ཆུབ་ཀྱི་སེམས་མཁའ་མཉམ་ཀློང་གི་རྒྱུད་ཆེན་པོ་ལས།། རང་བྱུང་གི་ཡེ་ཤེས་བསྟན་པའི་ལེའུ་སྟེ་གསུམ་པའོ།། །། དེ
89a5 ནས་གཞན་ཡང་བཤད་བྱ་བ།། སེམས་ཀྱི་ཀློང་ཆེན་ཀུན་ཏུ་རྒྱས།། སེལ་མེད་པ་དང་ཟབ་པ་དང་།། རྒྱ་ཆེན་རླབས་ལྡན་འཁྲུག་པ་མེད།། མ་བཅོས་དག་པས་ཀློང་གི་དོན།། སྣ་ཚོགས་ཉིད་ཕྱིར་དེ་སེམས་ཉིད།། འདོད
89a6 དང་སྡང་རྨོངས་མཐོང་ཕྲག་དོག། སེམས་ཉིད་དག་ཕྱིར་སྤང་བ་མེད།། མི་སྡུག་བྱམས་དང་འབྱེད་པ་དང་།། དམའ་དང་ཡངས་སེམས་བླངས་མེད།། དབང་པོ་ལྔ་ཡི་སྤྱོད་ཡུལ་ལ།། མཁའ་མཉམ་ཀློང་ཆེན་མཉམ
iiif viewer powered by OpenSeadragon
