| e-texts navigator |
| Wylie |
88b1 སྐྱེས་ཀྱང་།། མཁའ་མཉམ་ཀློང་དུ་ཡེ་གཅིག་སྟེ།། བཟང་ངན་བླང་དོར་ཡེ་བྲལ་ནས།། བཅོས་འཛིན་མེད་དེ་ཡེ་ཤེས་ཀློང་། ཁྱུང་གིས་གར་འཕུར་ནམ་མཁའི་དབྱིངས།། ཉ་ཡིས་གར་འཕྱོས་རྒྱ་མཚོའི་འཛིངས།། རྟོག
88b2 པ་ཅི་སྐྱེ་ཆོས་ཀྱི་དབྱིངས།། སེམས་ཀྱིས་གར་བལྟས་ཡེ་ཤེས་ཀློང་།། མཁའ་མཉམ་དབྱིངས་ལས་འདའ་བ་མེད།། རྒྱལ་བའི་ཡོན་ཏན་རྨད་བྱུང་བ།། ཀུན་ཀྱང་རང་བྱུང་དག་པའི་དབྱིངས།། ཞིང་ཁམས་མཐའ་ཡས
88b3 རྡུལ་སྙེད་ནས།། དཔག་ཏུ་མེད་པའི་རྒྱལ་བ་རྣམས།། དེ་བཞིན་ཉིད་ལ་གནས་མཛད་པ།། རང་བྱུང་སེམས་ཉིད་ཀློང་གི་དང་།། མཚན་དང་དཔེ་བྱད་འོད་འབར་བ།། ཚོགས་གཉིས་རྫོགས་པའི་རྒྱལ་བ་རྣམས།། རྟོག
88b4 དང་གདུལ་བྱའི་དབང་གིས་སྣང་།། ཀུན་ཀྱང་སྙིང་པོ་རང་ལ་གནས།། ནམ་མཁའ་ཁྱབ་པའི་དེ་བཞིན་གཤེགས།། གང་ཕྱིར་རྒྱལ་བ་དེ་རྣམས་ནི།། སྐུ་གསུང་ཐུགས་སོ་ཡོན་ཏན་དང་།། འཕྲིན་ལས་སྟོབས་དང་མི
88b5 འཇིག་དང་།། སྨོན་ལམ་དབང་མཁྱེན་གྲངས་ལས་འདས།། ནམ་མཁའི་ཁམས་དང་མཉམ་སྦྱོར་བས།། འབྲས་བུ་གྲངས་མེད་རྩོལ་བ་མེད།། དེ་ཕྱིར་མཁའ་མཉམ་དེ་བཞིན་གཤེགས།། རང་བྱུང་དག་པའི་དབྱིངས
88b6 ཉིད་ཡིན།། གང་ཕྱིར་མཐར་ཐུག་མེད་པ་ཡང་།། རང་བྱུང་དབྱིངས་ལས་གར་མ་ཡིན།། རྒྱུ་དང་རྐྱེན་གྱིས་བསླད་པ་མེད།། རང་བྱུང་ཡེ་ཤེས་བརྗོད་དང་བྲལ།། མི་གནས་ཡེ་ཤེས་བདེ་ཆེན་པོ།། ཡེ་ཤེས་ཉིད་པས
iiif viewer powered by OpenSeadragon
