| e-texts navigator |
| Wylie |
88a1 ཡིན་དབྱིབས་མ་ཡིན།། སྣང་བ་མེད་པའི་སྙིང་པོ་སྟེ།། གཉིས་མེད་བཙལ་བྲལ་བྱང་ཆུབ་ཡིན།། བརྟག་མེད་རང་བྱུང་སྙིང་པོ་ལ།། ཇི་ལྟར་བརྟགས་པས་དོན་དང་འགལ།། རྟོག་མེད་རང་བྱུང་དོན
88a2 རྟོགས་པས།། ལམ་ལྔ་ས་བཅུ་བགྲོད་མི་དགོས།། ཇི་སྙེད་ཏིང་འཛིན་འབུམ་ཕྲག་དང་།། ཞི་གནས་ལྷག་མཐོང་འབྱུང་འཇུག་གིས།། བསྐལ་པ་གྲངས་མེད་བཙལ་གྱུར་ཀྱང་།། རང་ལས་འབྱུང་གིས་གཞན་དུ
88a3 མིན།། བཙལ་དུ་མེད་པའི་སྙིང་པོ་ལ།། འཛིན་རྩོལ་མེད་པའི་སེམས་ཀྱིས་གནས།། བྱ་བྱེད་མེད་པའི་ཆོས་ཉིད་ལ།། རང་བྱུང་བཙལ་མེད་དབྱིངས་ཀྱི་གནས།། རང་བྱུང་རང་གིས་རང་དམིགས་པས།། དམིགས་སུ
88a4 མེད་པའི་སྙིང་པོ་ནི།། བཙལ་དུ་མེད་པར་རང་ལས་བྱུང་།། བརྟག་ཏུ་མེད་དེ་ཡུལ་དང་བྲལ།། བསྒོམ་དུ་མེད་དེ་ཆོས་དབྱིངས་ཀློང་།། བསྒྲུབ་ཏུ་མེད་དེ་ཡེ་སངས་རྒྱས།། སྤོང་དང་སྦྱོང་དང་འབྱེད་དང་སློབ།། དག་དང
88a5 དབང་བྱེད་སྤོང་ལེན་མེད།། དེ་ཉིད་རྟོགས་པའི་རྒྱུན་འབྲངས་ནས།། གདོད་ནས་བྱང་ཆུབ་ག་ལ་ཡིན།། ཡེ་མཐོང་བྱས་ཟིན་བཀོད་པ་ཟིན།། གྲུབ་ཟིན་ཡེ་སངས་རྒྱས་ཟིན་པས།། བསྒྲུབ་བཅིང་བཙལ་དུ་ཡེ་ནས
88a6 མེད།། རང་བྱུང་དག་པས་མཐོང་ཆ་ཟད།། དེ་ཡང་འཛིན་པའི་ཆོས་ཉིད་ཡིན།། འཛིན་མེད་ཆོས་ཀྱི་སྙིང་པོ་ལ།། ཆོས་ཀྱི་སྒོ་མོར་བརྡར་བརྟགས་ཀྱང་།། ཆོས་ཀྱི་ཕུང་པོ་ཟད་མཐའ་མེད།། རྟོག་པའི་འདུ་ཤེས་གང
iiif viewer powered by OpenSeadragon
