| e-texts navigator |
| Wylie |
87b1 འདོད་དོན་དུ་ཉམས།། དེ་ཉིད་མཁའ་མཉམ་ཀློང་གི་ངང་།། གཉིས་བཞུགས་རྗེས་འཐུན་ཚུལ་འཛིན་ཅིང་།། ལྷ་སྤྱོད་གཉིས་ཀ་བྱེ་བྲག་སྤྱོད།། ཕྲ་མེན་གནས་སྤྱོད་རི་བཞི་འཛིན།། རྟོག་པས་ཕྱེ་ཡང་རང་བྱུང
87b2 ང་།། མཚན་མའི་ཆོ་ག་ལྔ་ཡི་ཚུལ།། འོག་མིན་སངས་རྒྱས་གཟུགས་སུ་ལྡང་།། དེ་ཉིད་རྟོག་པའི་གཟུགས་ཡིན་ཏེ།། རང་བྱུང་སེམས་ཉིད་ཀློང་གི་སྐུ། ཁམས་དང་འདུ་བྱེད་རང་གི་ལྷ།། མ་སྐྱེས་ངང་ལ་ཁྲོ་ཞིང
87b3 སྐྱེས།། ངང་ཉིད་རང་བྱུང་སེམས་ལས་མེད།། དབྱིངས་ལས་ཡེ་ཤེས་སྐུར་ལྡང་བ།། མཁའ་ལ་གཟའ་སྐར་བཀྲམ་པའི་ཚུལ།། དོན་དུ་གཉིས་མེད་གཅིག་གི་ངང་།། དེ་ཉིད་རང་བྱུང་བྱང་ཆུབ་སེམས།། སྟོང་ཕྲག་བརྒྱད
87b4 ཅུ་རྩ་བཞི་དང་།། བཅུ་གཉིས་སྡེ་གསུམ་རྒྱུད་གསུམ་སོགས།། གྲངས་ལས་འདས་པས་ཅིར་བརྟགས་ཀྱང་།། རང་བྱུང་དག་པའི་ཀློང་དུ་འདུས།། མཁའ་མཉམ་ཀློང་དང་མཉམ་སྦྱོར་བས།། ནམ་མཁའ་རྒྱུ་རྐྱེན་མེད་པ
87b5 ལྟར།། སེམས་ལ་གདོད་ནས་རྒྱུ་རྐྱེན་མེད།། མ་སྐྱེས་མི་དམིགས་ཅིར་མི་དགོས།། རང་བྱུང་དག་པའི་སྙིང་པོ་ལ།། ཤུགས་དང་ཕྱེད་བྱས་རང་བཞིན་ཉིད།། སྒྲོ་སྐུར་དག་པས་མཉམ་པའི་ངང་།། དེ་ལྟར་མི་འཛིན
87b6 མཐའ་ལ་འདས།། སྣང་མེད་མ་བཙལ་ཆོས་དབྱིངས་ནི།། མ་བཙལ་གཞག་པས་འབྲས་བུ་ཡིན།། བཙལ་ན་ཚེ་ཆད་དོན་མེད་ཕྱིར།། མཁའ་མཉམ་འབྲས་བུ་ག་ལ་འགྲུབ།། གང་ཕྱིར་རང་བྱུང་བྱང་ཆུབ་ནི། ཁ་དོག་མ
iiif viewer powered by OpenSeadragon
